Nga Brizida Gjikondi
Medemek turin e tij Basha e filloi nga salla e rehatshme e koferencave të Turizmit Elbasan, dhe në orarin më ideal për cdo gjumash. Dhe mbasi prallisi badjava sic ka prallisur kur ishte Minister Transporti, Minister i Jashtem, Minister i Brendshem dhe Kryetar i Bashkisë Tiranë u kthye në rezidencën dhe vilën e tij luksoze me pamje nga pishina. Luis Brandeis një nga juristët më elitarë në USA ka thënë që °drita e diellit është dizifektanti më i mirë°, dhe dihet pavarësisht se prallisjet Basha i ka përherë shtatzënë, ai nuk ka mundur të ndryshojë raportin që ka e jashtmja me të brëndëshmën, asnjëherë e jashtmja se ka fshehur dot të brëndëshmen, fjalët si kanë fshehur dot veprat, ai nuk është shërbëor i opozitës dhe i shqiptarve opozitarë, por shërbëtor mediokër por i sinqertë i vetes dhe i interesave të Berishës që e katapultoi aty jo më kot.
Politikani sidomos ai opozitar duhet ti ofrojë shoqërisë një vlerë të shtuar, vlera të frymëzuara nga interesi i shqiptarve, por kjo që them unë ska hic të bëjë me një figurë politike alla shqiptarce sic është ajo e Bashës. Tashmë ai është në harmoni të plotë me bashkëkryetaren tjetër të opozitës, janë tashmë një dyshe komike, që arrijnë majat e tragjikomedisë shqiptare pikërisht në momëntin që fillojnë tju qajnë hallin shqiptarve për vuajtjet, emigrimin, për mos folur për korrupsionin, pasi në momentin që ata flasin kundër korrupsionit financiar dhe moral të politikës shqiptare më vjen ndër mënd një barcaletë e vjetër….. dikur shfaqej një film në kinematë e Tiranës, ku personazhi kryesor heroik Kiri pa e ditur pinte helmin e asaj qe dashuronte, Semiramidës, ai vdiste dhe kjo bënte që filmi të devijonte nga optimizmi i tij, një qytetar i asaj kohës që nuk kuptonte realen nga finksioni, pasi e kish parë filmin disa herë shkonte në sallën e kinemasë dhe bërtiste para se të ndodhte skena e helmit… ”mos e pi Kiriii.. ”
Për të mos u zgjatur në kakofoninë e këtyre lidërve politikëm unë do thoja që Bashës do i leverdiste që mos bridhte nëpër sallat e turizmeve të qyteteve kryesorë shqiptarë në orët më të rehatshme për gjumashët por të bëntë absolutisht vetëm dy gjëra për të vërtetuar shpirtin e tij opozitar, luftarak vetmohues dhe atdhetar, të propozoj qartë dhe shkurt 1.
Ndryshimin e sistemit zgjedhor, duke cuar sovranitetin drejt shqiptarve sic e parashikon edhe Neni 3 i Kushtetutesm duke aplikuar ne Shqipëri një sistem zgjedhor si ai i Kosovës ku listat hartohen me kolegjialitet te hapura dhe meritokraci, lista të cilat i konfirmojnë ose jo shqiptarët me voten e tyre, jo si deri më tani ku listat përbëhen nga njerëz pa emër dhe pa fytyrë për zgjedhësit 2. Shqipëria të jëtë një zonë e tërë zgjedhore (sic është edhe Kosova dhe cdo shtet tjetër me një sipërfaqe jo shumë të konsiderueshme si e jona) dhe që primare ka zhdukjen e influencave kriminale zonale (nje kriminel i Durresit nuk do kete më influence tek zgjedhesit e Kukesit, Delvinës ose Malsisë së Madhe). Zhbllokimi i sistemit zgjedhor dhe rikthimi i kushtetshmërisë ndaj këtij sistemi do ishin prova dhe dielli i vërtetësisë së Bashës, cdo gje tjetër është pallavër dhe shëtitje e tij fiks si Koci i teto Ollgës në kërkim të Melit.
Para disa kohësh Bashën e quajta vazelinë të Ramës, mendoj se kam gabuar disi, heshtja e tyre kundrejt sistemit zgjedhor kriminal qe kanë instaluar në Shqipëri, bën që të dy ata në heshtje dhe ndërveprim të plotë me njëri tjetrin të jenë vazelinë të krimit dhe korrupsionit që ka zaptuar Shqipërinë.