Janë rreth 170 projekte që po vijojnë në botë, për të zhvilluar aviacionin elektrik, shumë prej tyre që kanë në fokus kthimin e automjeteve në mjete fluturuese për të shmangur trafikun e rënduar të qyteteve të mëdha.
Ka qenë relativisht e lehtë për shumë prej këtyre sipërmarrjeve për të grumbulluar paratë e para e për të prezantuar konceptet e tyre e ndoshta edhe për të prezantur ndonjë prototip fillestar.
Por një pyetje djegëse është se sa prej tyre do të mund të gjejnë investitorë me xhepa të thellë dhe durim që lejojnë atyre që të vijojnë biznesin?
Mark Moore, kryeinxhinieri i përpjekjeve të UBER për të krijuar një shërbim taksish fluturuese parashikon se disa prej këtyre “star-up”-eve do t’u jepet një dorë nga industria e automjeteve.
“Mendoj se do të shihni investime të mëdha nga bota e automjeteve në 12 muajt e ardhshëm” u shpreh ai në një bashkëbisedim me “Forbes” në konferencën e aviacionit që u mbajt javën e kaluar në Las Vegas.
“Mendoj se investimet e tyre do të jenë hapi tjetër i madh në lëvizjen ajrore duke u njohur këtë sektor të ri si një lojtar serioz” u shpreh ai.(SCAN)