Sot eshte ditelindja e PERLAT MUSTE-s, ish superportierit te PARTIZANIT ne dy dekada per gjate viteve 70/80/90-te. Kampion me fanellen e kuqe me 1979/1981/1987, dhe fitues i kupes me 1980/1991/1997. Ai sot mbush 61 vite jete. Produkt bio i Partizanit, dale nga sistemi zinxhir i akademise, qe askohohe ishte ne Shkollen ushtarake SKENDERBEJ, e cila ishte fidanishte talentesh, jo vetem per futbollistet.
Musta ka shërbyer për ngjyrat e Partizanit dhe përfaqësueses shqiptare për më shumë se dy dekada. Futet me ekipin e pare te Partizanit me 1976, per ta mbyllur me 1997, ne moshen 39 vjecare, duke qene nje rekordmen per nga mosha, me fanellen e kuqe. Padyshim nje nder portieret me cilesore qe ka nxjerre Partizani, por edhe nje ure lidhese brezash, qe nga Safet Berisha, Agim Murati, Kastriot Hysi, me pas te Nand Ocelli, Ylli Shehu, Lefter Millo, Ilir Lame, e deri tek brezi i Erion Bogdanit. Tifozët e Partizanit, qe jane 40 vjec ose me shume, ende mbajnë mend pritjet e shkëlqyera të tij në qindra takime në kampionat, si dhe ne ndeshjet e medha qe ka zhvilluar edhe ne arenen nderkombetare. Ai ka bërë paraqitje të paharrueshme me Kombëtaren shqiptare, ndër të cilat në mendjet e tifozëve të asaj periudhe janë skalitur ndeshjet e mrekullueshme ndaj Gjermanisë Perendimore/ RFGJ, Turqise, Greqise, Polonisë dhe takimi i paharrueshëm ndaj Belgjikës, ne dhjetor 1984, si dhe takime nderkombetare historike me Partizanin kunder Rijeka, Austria Vjene, Malmo e Celtik. Ndeshja kyce e tij ne Lisbone, solli edhe nje krisje te karrieres se tij, pas denimeve absurde ndaj Benfikes ne shtator 1987, ne ate ndeshje famekeqe.
Nje futbollist elitar, qe pervec disa viteve “legjionari” ne Rumani, pas vitit 1990, i ka qene besnik fanelles se kuqe ne futbollin vendas. Ne fillim si futbollist i madh, por edhe si trajner. I takon një brezi të tërë futbollistësh që sakrifikuan shumë dhe bënë që emri i Shqipërisë të dëgjohej në arenën ndërkombëtare edhe me cilesie loje. Eshte Mjeshter i Merituar Sporti. Me Partizanin per disa sezone ka qene edhe kapiten ekipi, dhe nje lojtar kryesor edhe jashte fushes, futbollist simbol.