Kreu i Komisionit te Venecias, Gianni Buquicchio, pas draftit final të publikuar ndaj presidentit Meta, në një intervistë për A2, ka folur për atë që nuk është kompetenca e tij dhe as e ekspertëve, të cilët deklaruan se është Gjykata Kushtetuese ajo që vendos nëse duhet të shkarkohet apo jo. Ai ka deklaruar se arsyet nuk janë aq serioze për ta shkarkuar, por sipas tij të gjithë palët politike në Shqipëri duhet të marrin përgjegjësitë e veta dhe ky deklarim të habit, kur u kërkua vetëm opininon nga specialistët.
Siç duket udhëtimi i Metës drejtë Strazburgut për të takuar Gianni Buquicchio me “trasta apo pa trasta” e paska bërë punën, duke e vendosur në pozicion të vështirë atë dhe duke e shpërblyer për qokën e radhës Ilir Metën. Raportin përfundimtar për Metën i Komisioni i Venecias nuk ka ndryshime thelbësore nga drafti dhe diskutimet dhe rekomandimet nëpër meedia janë pa vlerë.
Ja çfarë deklaroi Gianni Buquicchio për “A2 Tv”:
“Opinioni thotë se kishte një shkelje, por nuk ishte, sipas Komisionit, aq serioze sa të përbënte arsye për shkarkim të Presidentit. Tani është një çështje politike, por unë shpresoj se shqiptarët do të jenë të zgjuar. Që të gjithë, nga Presidenti te Qeveria, te Parlamenti deri te opozita, ajo brenda dhe jashtë Parlamentit. Të gjithë në Shqipëri duhet të marrin përgjegjësitë e veta, në interes të vendit dhe popullit”.Ai shtoi gjithashtu se palët duhet të hyjnë në dialog edhe qeveria me presidentin.
“Tashmë opinioni u miratua. Unë bëra thirrje në fund të takimit që të gjitha forcat politike në Shqipëri të nisin një dialog të vërtetë, sepse ju keni nevojë për stabilitet, keni nevojë të bëheni bashkë për të mirën e shqiptarëve. Politika është politikë, por e rëndësishme është vullneti i shqiptarëve për t’u integruar në Bashkimin Europian. Ju keni konsumuar kaq shumë kohë me konflikte politike”, tha Buquicchio./ Ekskluzive.al