Prej vitesh qarkullon në rrjet një fotografi e Sali Berishës mbi një varkë ku ai gjendet së bashku me fëmijët e familjes Hoxha në qytetin e Pogradecit.
Gjithmonë është përfolur për përpjekjet e Sali Berishës për të qenë pranë familjes së Enver Hoxhës, madje edhe dëshirën e madhe që ka patur për të t’u bërë mjek i kësaj familje, por që kurrë nuk e arriti dot.
Një burim i Dita-s na tregon një detaj interesant për foton mbi varkë, por edhe për një kompleks të Berishës në atë kohë.
Sipas burimit, i cili dëshiron të mbetet anonim, Sali Berisha, në atë periudhë, një mjek i ri, ka patur një fobi të madhe nga uji, pasi ai nuk dinte not.
Por…si mund ta humbte atë xhiro me varkë me familjen më të fuqishme në Shqipëri në ato vite!?
Ai sfidoi frikën dhe zuri një vend në cep të varkës, siç edhe shihet në foto, ku duket i ndrojtur, teksa mbahet fortë në anët e saj.
Po si ka mundësi që vite me vonë, njeriu që udhëhoqi për 20 e kusur vite vendin tonë thyente rekorde në not?.
“Mesa duket i vuri qëllim vetes ta mësonte notin, pasi ndihej shumë keq për këtë fakt.
Por nuk ishte noti i vetmi kompleks i tij.
Berisha nuk dinte t’i jepte biçikletës dhe as të vallëzonte.
Këto ishin tre komplekset e tij, që e pengonin të përfshihej tërësisht në grupet shoqërore të atyre viteve”, thotë ky burim për Dita.
Gjatë viteve ai është kujdesur të theksoi ‘rekordet” në not gjatë verës, ndërsa të vozisë një biçikletë nuk e kemi parë asnjëherë dhe as të kërcejë.
Nga tre, të kenë mbetur vallë dy komplekse për doktorin…!?
