Mbrëmjen e djeshme Kombëtarja Shqiptare humbi me rezultatin 4-1 ndaj kampionëve të botës në Paris.
Ndeshja nisi ters pasi në vend të himnit kombëtar shqiptar, u luajt ai i Andorrës. Më pas komentatori në vend që t’i kërkonte falje Shqipërisë, i kërkoi falje Armenisë.
Dhe sigurisht që rrjeti nuk kishte si të rrinte pa e ironizuar rezultatin e dobët dhe fatin e keq që kaloi Shqipëria.
Në njërën prej memeve, është vendosur edhe lideri demokrat Lulzim Basha, i cili këndon himnin e flamurit para futbollistëve njësoj si në protestat e tij.
