Maja e një mali në Nikaj-Mërtur të Tropojës është shkëputur mesditën e djeshme. Report Tv sjell pamjet e filmuara nga qytetarët, teksa maja e malit shkëputet duke marrë përpara pemët dhe gjithcka gjenë. Një nga banorët e zonës që ka parë momentin e shkëputjes shkruan në rrjetet sociale “Në shkamin e Mërturit, një rrëzim tepër i fuqishëm. Askush nga ata që e njofin kët shkam nuk e mbajnë mend kshu një gjë të habitshme. Zot na ruj”.
Shkëputja e shkëmbinjve ka ndodhur në një zonë të pa banuar. Fillimisht është raportuar për një vatër zjarri në këtë zonë, që është e mbrojtur duke u kërkuar edhe ndihmë nga Emergjencat Civile, ndërsa pas verifikimit rezultoi se kishim të bënim me shkëputje të një pjese të malit. Shtabi i Emergjencave në Prefekturën e Kukësit thotë se pjesa e malit ku ndodhi shkëputja nuk është gurore.