Deputeti, Halit Valteri në një postim në Facebook i ka bërë thirrje ministrit të Brendshëm, Sandër Lleshaj, pas vrasjes së ndodhur mbrëmjen e djeshme në Tiranë, ku viktimë mbeti Santiago Malko, ish-punonjës policie. Valteri shkruan se Lleshaj duhej të shtojë kontrollet mbi territorin, të kontrollojë shtëpitë dhe bizneset e personave me precedentë kriminalë.
“Të kontrollohen banesat, bizneset dhe “bazat” e personave të skeduar që paraqesin rrezikshmëri.
Dora e fortë e Ligjit duhet të godasë mbi ta.
Nëse duam që në këtë vend të mrekullueshëm të ndërtojmë një të ardhme për brezat që vinë dhe për ne që jetojmë këtu SIGURIA as që duhet të diskutohet”, shkruan Valteri.
Statusi i plotë i Valterit
Deri kur do vazhdojmë me këtë ritëm?
Vrasje cdo ditë. Shuhet një tjetër jetë në zemër të Tiranës.
Droga, bixhozi, krimi i organizuar merr përsëri një tjetër jetë.
Duhet të ndërgjegjsohemi që nuk vazhdohet kështu.
Jetën e jep zoti dhe askush ska të drejtë tja marrë askujt edhe nëse flitet për shuma të mëdha parash (te pista).
Jetojmë në një vend të bekuar nga perëndia për bukurinë dhe resurset qe posedon, por të mallkuar nga Politika dhe keqqeverisja në 30 vjet.
Ku bandat dhe eksponentet kriminal jetojnë të qetë me armë në brez si të ishin Sherif dhe kanë në dorë jetën e gjithsecilit prej nesh.
I bej thirrje Ministrit dhe gjithë agjensive ligjzbatuese të shtojnë kontrollet e rreptësishme në të gjithë territorin.
Personat e skeduar , dhe që paraqesin rrezikshmëri te mbahen në mbikqyrje dhe mos të bëjnë xhiro me makina qindra mijra euro te pa shqetësuar si të ishin zot të qytetit.
Të kontrollohen banesat , bizneset dhe “bazat” e këtyre personave.
Dora e fortë e Ligjit duhet të godasë mbi ta.
Nëse duam që në këtë vend të mrekullueshëm të ndërtojmë një të ardhme për brezat që vinë dhe për ne që jetojmë këtu SIGURIA as që duhet të diskutohet.
#mbroShqiperine❤️
#mroJetën—-
#DenoncoKrimin⚠️