American Idol është një nga Talent Show-et mbarë botëror më të ndjekur. Shumë yje të skenës kanë dale nga ky program si Kelly Clarkson , Carrie Underwood, Jenifer Hudson, Jordin Sparks etj.
Këtë vit programi ka shënuar një rritje spektakolare audience, pasi juria ka qënë tejet e ashpër me pëzgjedhjen e talenteve të reja.
Ka ndodhur gjithmonë, por kësaj rradhe i është kushtuar rëndësi prioritare karakterit individual të garruesve, pa marrë fort parasysh kontentin estetik si veshja, look-u, etj, me pak fjalë “Thjeshtësia” ka qënë kryefjala e startimit të “American Idol 2018”.
Juria e këtij kompeticioni përbehet nga zërat më fenomenal të tregut muzikor Amerikan, por jo vetëm.
Bëhet fjalë për Pop-Star-ët botëror:
Lionel Richie, Luke Bryan dhe Katy Perry.
Shumë emocione sfida, humor, batuta dhe shumë talente në rradhë “për të prerë biletën e fituesit”, por nuk ka qënë asfare e lehtë.
Në raundin e fundit seleksionues, para kalimit në “Netët Live”, juria i ka përballur konkurrentët e pakët fitues nga fazat e para, përveçse me këngë të vështira, edhe me sfida psikologjike, për të evidentuar elementët thelbësor se çfarë do të ofrojnë këta artist nesër.
Kjo duhet të ndodhë jo vetëm përmes teksteve dhe këngëve, por këta konkurrentë duhet të jenë së pari qytetar të mirë, të cilët do kenë ‘privilegjin’ të jenë “opinion-leader’ për shkak të famës dhe audiencës së madhe që do gëzojnë falë këtij kompeticioni duke dhënë shembullin e tyre të mirë njerëzve të tjerë.
Dhe i tillë ka qënë rasti i një grupi vajzash, të cilat kanë përlotur jurinë edhe publikun.
Anëtarët e Jurisë i kanë përgëzuar vajzat për performancën e tyre të veçantë dhe emocionuese, po fill pas mbarimit të saj, ato kanë pritur pyetjen “bombë” e cila iu drejtua nga Katy Perry.
Katy iu thotë se 4 vajza janë shumë për fazën tjetër, grupi është mëse i kompletuar me 3 prej jush. Ndaj ju do kaloni në fazën tjetër, por njera prej-jush duhet të heqi dorë…
Kjo pyetje tronditëse ka befasuar jo vetëm konkurrentet, por edhe publikun, madje-madje edhe vetë dy anëtarët e tjerë të jurisë, pasi nuk po arrini të kuptonin se ç’po “kuridiste” Katy.
Ata kanë parë të pikëlluara nga njera-tjetra, por nuk guxonte asnjë të kthente përgjigje, derisa në një moment, njera prej tyre, ka marrë mikrofonin dhe me zë të dridhur ka thënë:
“Unë do largohem”.
Fill pas kësaj fjalie ajo ka shpërthyer në lot.
Menjëherë Katy Perry ka bërtitur nga ndenjësja e saj duke thënë:
“Ej zemër, mos qaj, bëj shaka, ju do kaloni të gjitha bashkë në fazën tjetër, ju jeni fantastike…”
Më tej ajo ka shtuar sy ishte një veprim kurajoz të cilin do mbante mend gjatë. Për të tillë njerëz kemi nevojë ka përfunduar Perry.
Ndërsa Lionel Richie ka thënë se Katy përfundimisht është ” e çmendur”.