Në urimin e tij për Kurban Bajramin, Luli i çuditi të gjithë, pasi postoi bashkë me urimin për festën dhe portretin e një dhie të egër, nga ato më të rrallat që mund të gjenden në vende të paprekshme dhe që janë të ndaluara të vriten.
Kjo gjë shkaktoi shumë debate në rrjet, por Jari vendosi t’i përgjigjet.
Të dashur demokratë!
Jari ju sqaron.
E di që postimi i Lulit ka ngjallur shumë debate, pasi duket sikur ai është për shfarojsen e dhive të egra, por kjo është thjesht një mënyrë për të tërhequr vemendjen nga domethënia reale.
Luli nuk është njeri që nuk di çfarë është kurbani. Ai është i vetmi politikan shqiptar që ka therur kurban kur ka hyrë në bashki. Të gjithë e mbani mend qengjin që u ther tek dera e Bashkisë, sapo ai ia mori atë Edi Ramës.
Biles për të është bërë dhe një libër.
Por domethënia e dhisë së egër të rrallë në postimin e Lulit ka tjetër mesazh.
Luli kërkon t’u thotë gjithë mbështetësve të tij, por dhe armiqve të tij, të kundërtën e asaj që mendojnë. Ai është duke u thënë se është cjap i egër, nga një rracë e rrallë, që nuk mund të sakrifikohet.
Të gjithë ata që llogarisin se për zgjedhjet e 30 Qershorit do të bëjnë Lulin kurban, duhet ta kenë parasysh se ai ëshët i paprekshëm, i paarritshëm dhe i pamundur për t’u kapur. Ai është cjap dhish të egra që jetojnë në zona të paarritëshme nga njerëzit.
Ndaj gjithë ata që ëndërrojnë se Lulin do ta bëjnë kurban, duhet të presin shpresat pasi Luli është i pakapshëm.
Ky është një mesazh i mezipritur për ata që e duan dhe po ashtu një mesazh i qartë për ata që nuk e duan.
Nuk keni çfarë t’i bëni Lulit. As e kapni dot, as e therni dot, as e bëni dot kurban. Ja kaq është.
I juaji Jari!
