Raiffeisen Bank është banka më e çuditshme në Shqipëri! Për shumë veta që nuk e dinë, banka austriake po jep shenja dobësie. Aktiviteti i saj si bankë, tashmë zhvillohet si institucion shërbimesh!
Raiffeisen sillet thjesht si një “agjenci funerale”, që mbledh para të v.dekura nga klientët e pa informuar, pa asnjë lloj interesi, që mund t’i ruajnë paratë shumë më mirë në një kasafortë pa paguar asnjë kacidhe, se sa në kasafortën e kësaj banke.
A e dini pse?! Sepse kasaforta e Bankës Reiffaisen është kasafortë që kushton:
1- Çdo qytetarë që ka një numër llogarie duhet të paguaj çdo muaj 5 USD/Euro ose 500 lekë për shërbimin mirëmbajtje llogarie.
2- Banka për çdo shërbim ka një pagesë nga 150-1500 lekë.
3- Banka mbledh paratë e shqiptarëve pa asnjë lloj interesi, duke hequr shërbimin “Depozita me interes” dhe duke lënë me gisht në gojë mijëra klient, të cilët presin të shtojnë të ardhurat e tyre duke depozitur kursimet e tyre në bankë, ashtu sikurse veprohet në çdo vend të botës.
Raiffeisen mbijeton falë lëmit të shërbimeve të bëra dhuratë prej pushteteve dhe nga përfitimet e shumave marramendëse të kredive me interes të lartë, të parave të depozituara nga shqiptarët e mashtruar, të cilëve nuk u jep asnjë qindarkë si partnerë me klientin e tyre, por i trajton si hallexhi për tu ruajtur paratë… të mos ju humbin?!
Madje po ta pyesni, vetë banka e justifikon heqjen e “Depozitës me interes”, se ka shumë kapital, që s’di ku ta lëvrojë, e ndaj nuk i duhet të marrë më para me interes, sepse nuk ka “interes”! Tjetër arsye nuk ka.
Por ky është një mashtrim i turpshëm, që u bëhet klientëve që paraqiten pranë sporteleve të saj, të cilët po të vepronin me logjikën e bankës, nesër duhet t’i tërheqin kursimet e tyre dhe t’i ruajnë në shtëpi… meqë asaj nuk i duhen.
Klienti nuk ka kusure të paguaj, që paratë t’ia ruaj banka, kur vetë banka nuk ka interes për kursimet e tij dhe ai gjithashtu, sepse humb lekë duke paguar “rojtarin” e parave të tij, ndërkohë që të tjera banka ofrojnë interes?!
Në logjikën se banka ka shumë kapital dhe s’ka interes të marrë para me “Interes”, a mund të përgjigjet dikush, se çfarë mund t’i ndodhte kësaj banke, nëse klientët e saj tërheqin të gjitha kursimet e tyre dhe i depozitojnë në një tjetër bankë të nivelit të dytë në vend, që ofron “DEPOZITA ME INTERES”, të vogël, por nuk del me humbje të paktën?
Çfarë do të ndodhte me bankën në këtë rast?! Do ishte një katastrofë e vërtetë! Nëse klientët do të tërheqin paratë, falimentimi do ishte “prapa porte”.
Madje për ata që kanë interes ndaj bankës, humbja e sigurtë është depozitimi apo ruajtja e parave në Raiffeisen Bank, ku depozitat në rast falimenti, sigurohen deri në 2.5 milion lekë.
Urojmë që klientët e bankës “Raiffeisen” mos ta marrin vesh, sepse qeveria shqiptare do duhet të ndërhynte menjëherë, për të kthyer “agjencin funerale” të parave të vdekura në normalitet, që merr para pa interes, për t’i xhiruar për interes të saj./Tellalli.al