Këngëtarja Miriam Cani ka qenë e ftuar në emision “Pop Culture” ku ndër të tjera ka rrëfyer dhe një moment të paharrueshëm për të, që ka qenë propozimi i Albanit për martesë.
Alban Skënderaj dhe Miriam Cani janë prej 10 vitesh bashkë dhe janë ndër çiftet më të dashura për publikun.
Por Miriami tregon se gjatë momentit të propozimit ajo ka rrezikuar deri diku jetën për shkak se propozimi është bërë nën ujë, në oqeanin Indian.
Propozimi u bë pjesë e videoklipit “Nese thua po”, dedikim ky për Miriamin. Mirëpo, edhe pse një moment për të mos u harruar, Miriami ka treguar në “Pop Culture”, se ka rrezikuar jetën, pasi diçka nuk ka shkuar siç duhet.
“Kur erdhi Albani me këtë gjë u emocionova aq shumë saqë harrova të gjitha rregullat që instruktori na kishte thënë më parë dhe fillova të lëvizja fytyrën time ngaqë po qaja. I gjithë uji u fut brenda në maskë. Ne nuk na lejohej fare të lëviznim. Isha gati duke u mbytur. Albani më thoshte qetësohu”,-ka treguar ajo.
