Kryeministri Edi Rama ka mbërritur në Vlorë mbrëmë orët e vona, teksa sot Partia Socialiste mbyll fushatën në këtë qytet. Pas mitingut të djeshëm në Fier, ai është nisur më pas anë Vlorë, ku ka kaluar natën aty për të qenë gati ditën e sotme. Në orët e vona, kreu i qeverisë ka bërë një shëtitje në zonën e Lungomares, ndërsa në media kanë qarkulluar edhe fotografi.
Në disa prej tyre Rama shfaqet i veshur sportiv, me një bluzë të bardhë, ndërsa është duke biseduar me Sinan Idrizin, presidentit e “Flamurtarit”. Nga pamja duket se Rama është shumë i fokusuar në bisedë dhe me siguri tema e tyre ka qenë situata politike në vend, ku socialistët do të shkojnë të vetëm në zgjedhjet e 30 qershorit edhe me mbështetjen e ndërkombëtarëve. Ndërkaq, nga ana tjetër presidenti Ilir Meta dekretoi dje 13 tetorin si datë për zgjedhjet lokale.
