Tensionet në distancë mes Serbisë dhe Kosovës veçse po shtohen dita-ditës dhe po e çojnë zgjidhjen dhe dialogun e mundshëm në një humnerë pa kthim.
Më herët Kosova vendosi taksë për produktet serbe në vlerën 100%, ndërsa Serbia iu drejtua Arbitrazhit ku më pas u tërhoq për të vendosur të njëjtat taksa që ende janë duke u shqyrtuar.
Megjithatë, tensionet nuk janë vetëm në terma ekonomikë, por edhe në rrafshe diplomatike me deklarata e kundërdeklarata mes krerëve të shteteve.
Në Serbi e kanë nisur një aksion në rrjetet sociale “për kthimin e Kosovës e Metohisë në Serbi nëpërmjet rrugës paqësore”.
Ky aksion po zhvillohet në një mënyrë pak të çuditshme dhe ata që po marrin pjesë në të po shkruajnë “Kosova është Serbi” në kartëmonedhat prej 100 eurosh, dollarësh e valuta tjera.
Ministri i Jashtëm i Serbisë, në këto fotografi shihet se në valutën 100 dollarëshe, e ka shkruar “Kosova është Serbi”.
