Një aksident i rënë me pasojë vdekjen e një personi dhe plagosjen e një tjetri ka ndodhur mbrëmjen e sotme në fshatin Lusan të Kukësit.
Në këtë aksident ka ndërruar jetë 25-vjeçari Ndriçim Cara dhe është plagosur rëndë vëllai i tij 36-vjeçar Demir Cara.
Vëllezërit udhëtonin me një motor, drejtuesi i të cilit ka humbur kontrollin duke bërë që mjeti të dalë nga rruga.
Demir Cara ka marrë plagë të rënda dhe po transportohet drejt Tiranës për mjekim më të specializuar.
Policia ka mbërritur në vendngjarje për të verifikuar rrethanat e aksidentit.