Që të shtunën në mbrëmje, Presidenti i Republikës ka bërë një deklaratë të pazakontë, referuar një emri të përvetshëm mes qindra protestuesve.
Ilir Meta kërkoi që Sahit Dollapi të çohej në spital dhe të mos mbahej në Polici, por pa dhënë arsyet përse personi në fjalë kishte nevojë për trajtim mjekësor.
Ditën e sotme, në kulmin e deklaratave të selive diplomatike, Presidenti e ka vizituar Dollapin në spital. Madje lajmi është shpërndarë nga vetë Presidenca. Pyetja e parë që shtrohet ka të bëjë me rëndësinë e z. Dollapi.
Përse duhet Presidenti i Republikës t’i kushtojë kaq shumë vëmendje një personi që nuk është as deputet, as kryebashkiak dhe as politikan.
Së dyti, përsë duhet interesimi i Presidentit tek ekipi mjekësor për një shtetas gjendja shëndetësore e të cilit nuk paraqet rrezik.
Nëse ky është rasti i një miqësie personale, normalisht nuk duhej shpërndarë si lajm. Nëse Meta e ka ndërmarrë këtë hap zyrtarisht, duhet të interesohet së pari për policët e plagosur.
/A.Rada/