Ilir Meta duket se nuk do ta ketë fare të lehtë realizimin e planeve, për shpëtimin nga Reforma në Drejtësi. Deri tani Meta ka qëndruar asnjëanës dhe është prononcuar për krizën politike, vetëm kur është pyetur nga mediat. Madje, në një farë mënyrë është distancuar prej tyre dhe ka hequr dorë nga roli i negociatorit, duke thënë se kriza duhet të zgjidhe nga palët.
Ky marifët i Metës, nuk ju ka shpëtuar aspak ndërkomëbtarëve. Përveç thirrjeve të vazhdueshme, për uljen në tryezë, për gjetjen e një zgjidhje, për shkuarjen e të gjitha palëve në zgjedhjet e 30 qershorit, ndërkombëtarët kanë bërë një hap të rëndësishëm dhë të papritur.
Pas firmosjes së Koalicionit Opozitar mes Bashës, Kryemadhit dhe aleatëve të tyre, zyrtarët e Bashkimi Evropian u hodhën në sulm. Ambasadori Soreca i mblodhi të gjithë partitë e vogla opozitare dhe vetëm pas atij takimi, palët dolën me qëndrime të tjera. Ato kërkuan ndihmën e Metës dhe uljen në tryezë, një takim që pritet të realizohet ditën e martë.
Më pas Soreca takoi edhe Kryemadhin në zyrë, një takim që mbeti i pazbardhur dhe prej të cilit kryetarja e LSI mbeti gojëkyçur. Familja Meta mori mesazhet e duhura nga BE dhe tashme reflektimi u shfaq hapur në deklaratat e Metës. Presidenti zgjodhi Pashkët, për të dhënë një mesazh të rëndësishëm, jo vetëm për politikën, por edhe shqiptarët.
“Me besimin në Zot dhe duke përqafuar gjithmonë vlerat më të mira hyjnore, morale e sociale, por edhe kombëtare, me dashuri, harmoni të plotë, dialog, mirëkuptim, bashkëpunim e vëllazërim, secili prej nesh dhe shoqëria jonë në tërësi, mund të tejkalojë çdo sfidë, pavarësisht sakrificave, për të ecur e sigurt drejt së ardhmes më të mirë, në familjen europiane.
Të dashur miq,
Dita e Ringjalljes së Krishtit gjithashtu na kujton nevojën për të forcuar jo vetëm harmoninë tonë të shkëlqyer ndërfetare, por edhe solidaritetin me njerëzit në nevojë, të sëmurët, të pamundurit, fëmijët e të moshuarit, që kanë aq shumë nevojë për përkujdesje e dashuri të përhershme”, ishin fjalët e Metës.
Me sa duket ndërkombëtarët i kanë dhënë mesazhin e duhur, se nuk do të ketë lëshime për politikanët e korruptuar, për ata që kanë vjedhur pasurinë dhe gjakun e këtij populli. Reforma në Drejtësi është hapi më i rëndësishëm drejt integrimit dhe Shqipëria nuk mund të mbetet i vetmi vend që nuk e do integrimin për politikanët.
I ndodhur në këtë situatë Meta ju shkruan shqiptarëve si shenjtor, a thua se nuk ka qenë ai politkan i akuzuar për korrupsion, vjedhje floriri dhe vrasje. Bashkëfajtor i qeverive që kanë vrarë njerëz të pafajshëm në bulevard dhe në Gërdec, e mijëra jetë të tjera të padukshme për syrin e publikut. Një lutje nuk e shpëton jetën e Metës, por burgosja e tij, mund të shpëtojë Shqipërinë.