Departamenti i Drejtorisë Kriminale në policinë e Shtetit ka nisur verifikimet pas sasisë së kokainës së kapur të dielën në portin e Friportit, ku dyshohej se kishte destinacion Shqipërinë dhe Greqinë.
Mësohet se, nga hetimet e kryera nga autoritetet shqiptare në bashkëpunim me ato të “Interpol”, rezulton se 91 kg kokainë nuk kanë pasur si destinacion portin e Durrësit.
Në lidhje me ngjarjen, grupi i hetimit ka bashkëpunuar dhe me autoritete italiane, pasi ekziston mundësia që shqiptarët e përfshirë në mafien italiane, mund të jenë dhe bashkëpunëtor në trafikimin e kokainës.
Sipas mediave malteze, nëse dorga të dilte në treg do të mund të vlerën e 10 milionë eurove.
Saisa e kokainës e kapur ditën e diel ishte e fshehur në tre kontenierë të nisur nga Amerika e Jugut, që sipas mediave malteze dy prej të cilëve kishin si destinacion portin e Durrësit në Shqipëri dhe një tjetër atë të Selanikut në Greqi por kontenierët natyrisht që ndalojnë në portet italiane dhe ato greke ku mund të qëndrojnë me ditë të tëra për tu konfirmuar destinacioni i tyre final.
Grupi i hetimit ka do të kërkojë dhe bashkëpunimin me autoritetet malteze për të zbuluar desitinacionin final të ngarkesës së lëndës narkotike si dhe për të verifikuar porositësit e kokainës.
Kokaina u zbulua nga agjentët e doganave malteze, të cilët ushtruan kontroll fizik në disa kontenierë, ku zbuluan 91 kg lëndë narkotike në një pjesë frigoriferike/ Opinion.al