E tra.umatizuar dhe mes lotësh, Ambra Ndoka, vajza e ish-deputetit të PS Arben Ndoka ka rrëfyer momentin e ar.restimit të të atit.
Ambra, ka thënë për FaxNews se atë ditë policët i kanë drejtuar ar.mën asaj, të ëmës dhe vëllezërve dy muajsh.
“Atë ditë sapo ishim kthyer nga Italia dhe po shkonim te lokali ynë në Lezhë ku na prisnin disa familjarë. Ndenjëm disa minuta dhe vjen një burrë duke folur në telefon. Kamarieri i tha që lokali është mbyllur por ai bëri sikur nuk e dëgjoi dhe pastaj porositi kafe.
Pastaj erdhën dy furgona policie, mami tentoi të mbyllte derën se u frikësuam por ata na drejtuan ar.mën të gjithëve.
Policia më kishte drejtuar ar.mën mua mamit dhe vëllezërve dy muajsh.
Isha shumë e trembur, policët më thonin të pushoja se unë po qaja. Policët shtynin me këmbë soxhelinot ku ishin fëmijët.
Mami kishte në dorë një nga bebat, vëllain tim. Mami i pyeste kush ishin pse kishin ardhur ata nuk përgjigjeshin. Policët ishin të maskuar. Kapën xhaxhain tim dhe e vunë në një cep të lokalit, pastaj edhe babain. Në një moment futet komandanti i RENEAS dhe i thotë mamit, nuk ka asgjë, do e marrim për disa pyetje.
Mami po i thoshte që është padrejtësi dhe mos në sy të fëmijëve. Unë qaja dhe bërtisja. Policët dolën jashtë, unë dola dhe i ndoqa. Më pas më morën dhe më cuan në shtëpi.
Të gjithë nuk ndjeheshim mirë.
Ne shkuam në shtëpi, pas disa minutash na marrin në telefon e na thonë është kapur edhe halla, motra e babait. Mami u shokua se ajo kishte djalin 9-muajsh me gji. Fëmija vetëm qante, ata s’e lejonin të ushqehej me gji”, tha Ambra ndërsa si çdo fëmijë që ka idhull babain e vet, pohoi se i ati kurrë nuk do bënte diçka të jashtëligjshme.
“Kur shkuam në shtëpi, u nisëm për në Tiranë, direkt. Shkuam në rajonin e policisë ata thanë do e mbajmë në parabargim. Në pab.urgim nuk më lejuan të takoj as babin as xhaxhain as hallën. Pastaj në bu.rg më lejuan, u ndjeva keq kur pashë babin aty.
Kjo është e padrejtë. Babai im s’do bënte kurrë ato që thonë, babai im është njëriu më i mirë dhe më i drejtë në botë. Babai im do zbardhë të vërtetat e do vendoset drejtësi”, u shpreh vogëlushja duke kujtuar se ditën e arr.estimit të të atit e ka përjetuar keq, edhe për shkak të komenteve të të tjerëve.
“Atë ditë unë u sëmura, nuk shkova në shkolla, mami thirri psikologen, ajo erdhi te unë dhe më pyeti më trego rastet kur shoqet të kanë mbështetur dhe kur jo. Unë i tregova një rast që një vajzë më tha cfarë familje e de.gjeneruar jeni, ke një baba të shk.atërruar. Unë nuk kisha nerva të merresha me atë vajzën dhe u ktheva nga shoqet e mia. As mamit tim nuk i tregova cfarë ndodhi. Psikologes i tregova, ajo i kishte thënë mamit. Mamaja ime mori në telefon mamanë e vajzës tjetër dhe i tha se bullizmi është i dënueshëm por ajo i ka thënë se vajza të ka gënjyer. Unë s’doja ta ngarkoja mamin me këto gjëra pas këtyre që ndodhën. Të nesërmen drejtori e bëri të madhe në shkollë, erdhi zysha më pyeti cfarë kishte ndodhur. Ajo më mbështeti dhe unë e falenderoj.
Jam ende e tra.umatizuar. Një ditë që po shkoja në shkollë pashë disa fugona policie. Ishin shumë. I shikoja me habi dhe e trembur”, përmbylli rrëfimin e saj mes lotësh Ambra Ndoka.