Xabi Alonso duket se duhet të përgatitet për një betejë ligjore me autoritetet spanjolle, të cilat e akuzojnë lojtarin për evazion fiskal. Kjo çështje është mbyllur fillimisht, por një gjyqtar i Madridit ka urdhëruar që të zhvillohen hetime të mëtejshme, me lojtarin që tani akuzohet për tre raste të ndryshme të evazionit fiskal.
Ish-futbollisti ka mohuar gjithçka, por autoritet kanë kërkuar tetë vite burg për të dhë bashkëpunëtorët e tij, të cilët mendohet se kanë shmangur taksat duke i transferuar paratë në një llogari bankare në Madeira.
Çështja është mbyllur fillimisht pasi Madeira është pjesë e Bashkimit Europian dhe jo një parajsë fiskale. Ish-mesfushori ka refuzuar të arrijë një marrëveshje dhe të pranojë akuzat. Një rrugë kjo që është ndjekur në të kaluarën nga shumë futbollistë, si Marcelo, Luka Modric, Javier Mascherano etj.
Ashtu si Cristiano Ronaldo dhe Lionel Messi, Alonso ka thënë se është plotësisht i pafajshëm. Sipas shtypit spanjoll, një kompani me emrin “Kardzali” është përdorur të “simulojë transferimin e shumave të përfituara nga shitja e të drejtave të imazhit” në këmbim të 5 milionë eurove në gushtin e 2009-ës.
Sipas autoriteteve spanjolle, mes 2010-ës dhe 2012-ës, kjo kompani ka regjistruar 4.9 milionë euro në Madiera, një shumë kjo që është përftuar nga shitja e të drejtave të imazhit të lojtarit.