Sali Berisha boton çdo marrëzi në Facebook-un e tij, duke u bërë qesharak. Këtë të premte p.sh, ka botuar një mesazh, sikur ministrja e Financave, Anila Denaj, ka udhëtuar e vetme në Maltë, për të drejtuar një operacion të madh të trafikut të drogës.
Lexoni çfare shkruan nenpunesi dixhital. sb
“Nje udhetim i ndrikull Falimentimit ne Malte!!
Pershendetje z Berisha me kete mesazh desha te ju njoftoj se Ministrja e financave e vila ka ndezur nje sherrnaj te madhe ne ministri,ka vajt ne malt ne nje udhtim misterioz vetem pa asnje njeri me vete ditet qe eshte kap d.roga qe do vinte nga malta ne shqiperi
Ka ik me 14 dhe eshte kthyer me date 16,. Mire do te jete te hetohet umdhitmi i saj.
Gjithashtu kjo zonje ka ndezur sherre te medha ne ministri ne radhe te pare me zevendeset e saj.
Zevendes ministria qe iku dha dorheqjen se nuk firmosi PPP e radhes per kontrollin teknik si korrupsion i hapur.ju lutem anonim”, shkruhet në postimin e Sali Berishës.
Një çmenduri thjesht vetëm ta mendosh, që ministrja e Financave të drejtonte vetë një operacion të trafikut ndërkombëtar të d.rogës.
Në fakt, ministrja ka qenë vërtetë në Maltë, në një takim zyrtar me Fondin Monetar Ndërkombëtar, në të cilin shoqërohej nga guvernatori Gent Sejko.
Njoftimi i Ministrisë së Financave, për vizitën
Ministrja e Financave dhe Ekonomisë, Anila Denaj, së bashku me Guvernatorin e Bankës së Shqipërisë, Gent Sejko, mori pjesë në Mbledhjen e Konstituencës të Fondit Monetar Ndërkombëtar (FMN) dhe të Grupit të Bankës Botërore (BB), në Valletta, Maltë. Në këtë takim merrnin pjesë Ministrat e Financave të vendeve anëtare të këtij grupi, si Italia, Greqia, Portugalia, Malta, San Marino dhe Timori Lindor.
Rritja e efektivitetit të vendeve anëtare si dhe zhvillimet më të fundit të dy institucioneve ndërkombëtare nga aspekti i Konstituencës, ishin dhe temat që u diskutuan në këtë takim, ku nuk u lanë pas zhvillimet e ekonomisë globale dhe ato të ekonomive rajonale. Një vend të rëndësishëm në diskutimet mes pjesëmarrësve ishte dhe prezantimi i paktit të ri social bazuar në analizat më të fundit analitike të FMN dhe BB.
Në bazë të këtyre diskutimeve u theksua nga pjesëmarrësit kërkesa për një rishikim të politikave aktuale që fokusohen ngushtësisht te pabarazia e të ardhurave. Gjithashtu duhet një vëmendje më e madhe te politikat për mundës të barabarta për punësim, edukim dhe barazi gjinore. Pjesëmarrësit në këtë takim i vlerësuan këto faktorë si mjaft të rëndësishëm dhe si mjete për arritjen e një zhvillimi ekonomik gjithëpërfshirës.
Ministrja Denaj dhe Guvernatori Sejko zhvillun takime me z.Patrizio Pagano, Drejtor Ekzekutiv i Bankës Botërore dhe z. Domenico Fanizza, Drejtor Ekzekutiv i Fondit Monetar Ndërkombëtar, ku diskutuan zhvillimet më të fundit ekonomike në Shqipëri dhe rajon, si dhe reformat e ndërmarra për të përballuar sfidat që po kalon ekonomia globale.
Shqipëria është anëtare e Fondit Monetar Ndërkombëtar (FMN) që prej vitit 1991 dhe bën pjesë në të njëjtën konstituencë me Greqinë, Italinë, Maltën, Portugalinë, Timorin Lindor dhe San Marinon.