Ardhja e zyrtarit amerikan në Tiranë, Mathew Palmer dhe llogariadhënia para tij, e ka shqetësuar tej mase LSI. E shqetësuar nga shuplakat e ndërkombëtarëve dhe e sigurt që e pret një e tillë sërish, Kryemadhi po përpiqet të joshë Ramën, duke i kërkuar dialog dhe marrëveshje. Për të disatën herë radhazi, eksponentë brenda LSI, kanë bërë thirrje për dialog dhe marrëveshje, duke synuar kështu ngecjen në vend të reformave, integrimit dhe sidomos Reformës së Drejtësisë.
Së fundi, zv/kryetari i LSI-së, Luan Rama, ka nxjerrë jashtë përdorimit çdo lloj institucioni, duke u shprehur se jemi në krizë.
“Shqipëria është në krizë politike, krizë shtetërore, krizë kushtetuese, krizë parlamentare dhe krizë besimi”.
Duke qenë se deri tani kanë qenë të mbrojtur e të parrezikuar, frika nga Reforma në Drejtësi, ka ngritur në nivele alarmante propagandën e LSI. Vetëm tani që rrezikojnë burgun, ish kryetari dhe kryetarja e kësaj partie, po shohin se Shqipëria ka shqiptarë, njerëz të thjeshtë, fermerë, studentë, madje po shohin se ka krizë. Po deri dje kur ishit në pushtet, a nuk kishte krizë?
Meqë paskan kontatuar që Shqipëria është në krizë, që Reforma tani që ka marrë rrugën, nuk funksionon, atëherë Kryemadhi dhe Meta dhe gjithë çeta e punësuar prej tyre, e shohin të arsyeshme dialogun, marrëveshjet dhe bashkëpunimin. Për të shpëtuar kokën nga SPAk, duhet të bëhen kompromise për një president të paqëndrueshëm emocionalisht, që shkon në kufijtë e vetëvrasjes dhe një kryetare histerike, që përligj çfarëdolloj forme për të mos prekur qelinë e burgut.
“Kjo është çështje korrektese, transparence dhe sinqeriteti që duhet të formohet me një marrëveshje jo marrëveshje kulte, nate, pa tekst, por me një marrëveshje politike që të garantojë për një periudhë 10-15-vjeçare respektin, integritetin dhe legjitimitetin çdo institucioni që Shqipëria të sigurojë kushtet për çeljen e negociatave me BE-në”,ka thënë Luan Rama në një studio televizive.
Pasi kanë mbushur xhepat e tyre, me tendera e korrupsione, drejtuesit e LSI e shohin të nevojshme një marrëveshje transparente, të sinqertë, që do të garantojë pafajësinë e tyre për 10-15 vjet. LSI po kërkon një vit 0 për t’ja nisur nga e para, a thua se gabimet e tyre janë të shkruara me laps dhe tashme u mjafton vetëm goma.
Por shqiptarëve, atyre që përballen me të përditshmen, me jetën e vështirë, me korrupsionin, me krimet, me vjedhjet, nuk ju mjafton. E vetmja transparencë që mund të bëhet, është zbardhja e krimeve, dhënia llogari dhe mbajtja përgjegjësi për veprat e kryera. Pasi të kenë marrë dënimin e merituar, atëherë mund të nisin një vit 0, si njerëz të pafajshëm dhe të sinqertë.