10 vjet nga tragjedia e Gërdecit, asnjë zyrtar nuk është më pas hekurave. E gjithë kjo histori po kthehet gjithnjë e më shumë në një rrëfim të harruar. Ndërkohë, familjet e 26 viktimave vazhdojnë të kërkojnë drejtësinë e munguar.
Nga Kol Nikollaj
10 vjetori i tragjedisë Gërdecit dhe drejtësia e tredhur e plepave.
3 javë më parë në Sllovaki u vra një gazetar investigativ me të dashurën e tij dhe mbrëmjen e kësaj të mërkure datë 14 mars 2018 kryeministri Sllovak, Robert Fico dha dorëheqjen, kjo për faktin se ka dyshime që vrasja ka ndodhur nga grupe kriminale të lidhura me qeverinë.
10 vite më parë në Shqipëri nga papërgjegjshmëria e dhe babëzia e poltikuajve dhe bijve të tyre ndodhi një tragjedi që u finalizua me 26 të vdekur dhe shumë të plagosur.
Në Gërdec një fshat në periferi të Tiranës në kushte mesjetare ç’montoheshin municione luftarake.
Punëtorët nuk ishin profesionistë, ishin fëmijë, gra, të moshuar dhe burra banorë të zonës të cilët punonin në mes të zjarrit për një kothere bukë.
Nuk vonoi shumë dhe tragjedia e paralajmëruar nuk vonoi, ishte mëngjesi i 15 marsit 2018 kur një shpërthim i fuqishëm tronditi vendin dhe shokoi mbarë opinionin publik botëror.
26 persona humbën jetën nga shpërthimi i municioneve, dhjetëra persona mbetën të lënduar, ndërsa dëmet materiale ishin pa llogaritshme.
Kanë kaluar 10 vite nga ajo ngjarje e rëndë për popullin shqiptare dhe sot pronarët njëherësh shkaktarët e asaj tragjedie shijojnë lirinë dhe pasuritë e pafundme që kullojnë gjak të pafajshëm shqiptarësh.
Drejtësia e tredhur e Plepave heshti përballë shukut të parave që iu futën më zor në gojë, dëshmitarët e zhdukën në atentate që as regjizorët e holliwoodit nuk i imagjinojnë dot, ndërsa të prekurit nga tragjedia çdo vit në 15 mars teksa kryejnë homazhe pranë të afërmve bëjnë apel për ndëshkimin e autorëve, por a do shkojë ndonjë herë në veshin e duhur ky apel, frikë kam se jo.