Më në fund reagoi dhe presidenti i Republikës për krizën politike që ka mbërthyer vendin. Me qetësi dhe dashuri, Like presidenti i kërkon Edi Ramës të dialogojë me bashkëshorten e tij që të gjejnë një gjuhë të përbashkët. Presidenti i kërkon palëve të ulen.
Po kush janë palët lind pyetja?
Përfaqësuesja e shtëpisë së çizmes, doktoreshë Mona dhe Holandezi fluturues, Luli. Likja dhe doktori janë mbi palët.
Presidenti i Republikës vazhdon të luajë aktin e radhës së Estradës së Çepanit, ku regjisori president në banalitet të plotë i ka mbushur mendjen vetes se po luhet Tartufi i Molierit, në skenën e La Skalës nën regjinë e tij.
Në fakt kemi të bëjmë me një skenë të rëndomtë katunareske, ku aktorët pasi kanë dalë nga lojërat e me topa bore luajnë nën regjinë e Likes. Skenarët e mandateve u dogjën.
Si skenar i bërë nga dikush që për intelektin e tij di të shumëzojë deri në 4X4, dështoi me sukses të plotë.
Like presidenti kërkon të tregojë se është konsensual. “Situata aktuale politike në Shqipëri duhet të marrë një kthesë 180 gradë, më mirë herët, se sa më vonë!
Dialogu realist, i përgjegjshëm dhe efektiv është i domosdoshëm”, shkruan Like presidenti në Facebook. Paralajmërimi fasadë është dialogu për Edi Ramën, ndryshe është vonë. ‘
‘Eureka”.
Presidenti u kthye qetë dhe kërcënueshëm. Të presim se kush do të jetë akti i ri që do vihet në skenën e Estradës së Çepanit me aktorë nga trevat e ndryshme të vendit deri ditën që do të futet në lojë i frikshmi SPAK…