E ka emrin Syri por duket se, ose i ka dalë, ose është qorruar fare.
Megjithëse ka një ushtri me njerëz, financohet nga burime të sigurta me miliona, ka bërë edhe një staf me 20 vetë apo më shumë, mban dhe veten si portal me 500 mijë klikim, Çimi apo Syri i tij që ka dalë fare, vjedh shkrime ditë e natë.
Sot për të disatën herë e kapëm Çimin duke vjedhur nga mediat dhe kolegët e tjerë. Ndoshta i është bërë ves duke ndenjur me Ilir Metën apo hajdutët e Lulit, apo edhe Lalin e Bashkisë Tiranë që si ndahet shpirti. Por sot për të disatën herë, hajduti u kap i gjallë.
CNA.al në orën 16 e 30 minuta ka publikuar një shkrim ekskluziv mbi ish-prokurorin e Tiranës, Petrit Fusha për të cilin kemi pasur një seri investigimesh dhe denoncimesh.
Linku përkatës: https://www.cna.al/2019/04/08/peshku-i-madh-1-milion-dollare-petrit-fusha-i-shpetoi-burgut/
Çimi dhe media e tij qorre e marrin në orën 21.05, i heqin fjalinë e fundit dhe e publikojnë copy paste dhe nuk citojnë asnjë burim.
Linku përkatës: https://www.syri.net/politike/244009/prangat-trembin-prokurorin-fusha-pse-u-vetelargua-nga-sistemi-i-drejtesise-miku-i-erion-veliajt/?fbclid=IwAR1bYWMMbmsAska4bWfqYYsKTEYLZ2p-IXKyqg7yHFnGxjABHRU80eOsH7c
Në rast se nuk hapet keni fotot më poshtë.
Ne nuk jemi 20 vetë si tek Çimi, produkt i Fahriut dhe dashuria e Ilir Metës, jemi pak me rroga me sigurime, nuk jemi OJF që qarkullon dhjetra mijë euro në muaj nga burimet e PD, LS. Punojmë në respekt të fjalës së lirë dhe lexuesit, del Çimi dhe syri i tij qorr dhe hajdut vjedh shkrime, e pastaj shet mend e bën debate se ka kaq apo aq mijë klikime.
Çimi, ndoshta këpucët e shtrenjta që thonë se ti ka blerë Ilir Meta, nuk të vlejnë për t’ia mbathur nga ne. Nuk jemi ajo racë gazetarësh që qajmë se nuk na flet Fahriu, Meta apo Luli që të kërkoi lekë për të vënë vëllain kandidat për deputet. Ne jemi nga ajo raca që po tu qepëm nuk të ndahemi dhe dosja jote ka plot bëma dhe gjëma. Ne ti dimë të gjitha siç të pëlqen ty edhe ty dhe nuk jemi Rama.
Ndaj në respekt të profesionit pastro shikimin, ndrysho syzet dhe ec në rrugën tënde, me gjithë stafin e nderuar që ke. Diku jemi bashkë diku, ndahemi por mos u bëj dhe ti xhepist dhe hajdut, si ata që zhgëryhesh ditë e natë, të paktën në profesion se për të tjerat ke jetën tënde.
Megjithse ske faj kështu e ka dashuria e fundit me Lulin, e ka ngjitëse vesin e vjedhjes dhe mashtrimit ai. /CNA.al