Revista e njohur amerikane, “Mother Jones,” ka komentuar mbi thirrjen së fundi në prokurori të kreut të PD, Lulzim Basha.
Ishtë pikërisht kjo revistë, që një vit më parë publikoi për herë të parë investigimin për pagesën prej 650 mijë dollarësh, të bëra nga Partia Demokratike kundrejt lobistit Amerikan, Nick Muzin.
Në artikull, revista përqëndrohet mbi faktin se kreu i PD, Basha tashmë është nën hetim edhe për shkelje të ligjit në Shqipëri, në lidhje me financimet e partive politike, ndërkohë që dy hetime paralele janë ende aktive në SHBA dhe Skoci, në lidhje me dyshimin se paratë e paguara për lobim vijnë nga një kompani-guaskë me pronarë Rusë, “Biniatta Trade.”
Më tej, në shkrimin e “Mother Jones,” përmendet fakti se, ndonëse hetimet nuk kanë arritur të vërtetojnë ndonjë përfshirje të qeverisë Ruse në lidhje me pagesat, ky financim i PD nga “Biniatta” ka ardhur pikërisht në momentin kur Basha nisi të përdorte një retorikë të fortë nacionaliste, anti-Europiane, të ngjashme me atë që Rusia është përpjekur të imponojë në vende të tjera të Ballkanit.
Linku i shkrimit: https://www.motherjones.com/politics/2019/03/prosecutors-question-albanian-politician-on-payments-from-russia-linked-firm-to-gop-lobbyist/?fbclid=IwAR2QXRhKJsBZ0PsOmjT4Lp1UeEcjhGQUOYqma9ZYYuPcIpXenMxNqKwIPPU