Ambasadori amerikan, Donald Lu ka zhvilluar një takim me kryetarin e PD-së, Lulzim Basha këtë të martë në selinë blu. Kjo vizitë e ambasadorit amerikan në selinë blu mbërrin në kohën që partia më e madhe opozitare është në qendër të akuzave në lidhje me burimin e parave për lobim në Uashington.
Avokati Spartak Ngjela, i ftuar në rubrikën “45 Minuta” në Report TV, teksa ka komentuar takimin e kryetarit të Partisë Demokratike, Lulzim Basha me ambasadorin e SHBA-ve, ka thënë se Lu mund t’i ketë kërkuar dhe tërheqjen Bashës, si kryedemokrat.
Kjo deklaratë e Ngjelës, ka ardhur nën argumentin se PD është forca më antiamerikane.
Ngjela thotë se Lu mund t’i ketë kërkuar Bashës të ndryshojnë trajektore, por kjo vjen me dorëheqjen e kryetarit.
“Nuk është çudi t’i ketë kërkuar dhe dorëheqjen. Kjo sepse Lu e shikon një pengesë, Partinë Demokratike, si focën më antiamerikane në Shqipëri. Mund t’i ketë kërkuar të ndryshojnë trajektore, por që të ndërrojë trajektore duhet të ndërrohet kryetari, kryetari udhëhiqet nga Sali Berisha. Ky takim mund të pëkthehet dhe në një largim të Bashës”, u shpreh Spartak Ngjela.