Fatos Lubonja në një lidhje skype me rubrikën ”Opionin” në studion e lajmeve në News 24, komentoi edhe qëndrimin e Presidentit Ilir Meta, pas protestës së opozitës të shtunën.
Lubonja e cilësoi Presidentin Meta si kështjellën e fundit të pakapur nga Rama, ndaj dhe sipas tij luan një rol të rëndësishm. Analisti Lubonja u shpreh se qëndrimi i Kreut të Shtetit është mjaft i butë për opozitën.
“Përgjithësisht e kam ndjekur qëndrimin e Metës, për mendimin tim është një qëndrim dhe mbështetje e butë për opozitën. Mendoj që duhet të marrë përgjegjësitë Edi Rama dhe shteti. Unë kështu e kam kuptuar përgjithësisht qëndrimin e Metës.
Në qoftë se do të sulmohet ndoshta mund të jetë më eksplicit në qëndrimet e veta. Më duket se është i burgosur në zyrën e tij. Do ishte më i rëndësishëm po të ishte në krye të partisë së tij. Duke qenë se është kështjella e fundit e pakapur nga Edi Rama, luan një rol.”- u shpreh Lubonja.
Kur Edi Rama përmend zgjedhjet e parakohshme, mendoni se do të ketë një moment ku do të tërhiqet?
Nuk më duket se është në këtë rrugë, më shumë mund të presësh një krizë të tillë dhe të largohet nga politika se një marrëveshje apo dialog për të larguar vendin nga kriza. Ai nuk e pranon dot idenë e humbjes në këtë lojë. Por kërkon të gjitha mundësitë dhe mjetet, nëpërmjet blerjes së deputetëve apo mediave të huaja.
Unë kështu e shikoj, po të tjerat janë manovra.