Deputetja e PS-së Senida Mesi është shprehur se lideri i opozitës Basha u ka bërë thirrje qytetarëve për mosbindje civile. Duke folur për protestë që pritet të mbajë opozitë më 16 Mars, Mesi është shprehur se është pro tubimeve qytetare, por kundër dhunës.
Pjesë nga biseda:
Senida Mesi: Aty ishte zoti Basha në Kuvend. Më pëlqen të flas me shifra sepse shifrat asnjëherë nuk të lënë hapësirë manipulimi. Nëse i referohemi shifrave, për herë të parë në Parlamentin e Shqipërisë lideri i opozitës flet dy herë më shumë sesa lideri i mazhorancës, nëse i referohemi dhe faktit që nuk kanë marrë pjesë në 18 seanca plenare. Ata të rrinë në Kuvend dhe të bëjnë betejën e tyre aty dhe mund të dalin në protestë paqësore ama dhe jo të bëjnë thirrje për dhunë.
Juli Xhokaxhi: Kur është bërë thirrje për dhunë?
Senida Mesi: Para dy javësh është bërë thirrje për dhunë. Është bërë thirrje ati-ligjore, anti-kushtetuese, anti-institucion.
Juli Xhokaxhi: Kush e ka bërë, nuk e kemi dëgjuar?
Senida Mesi: Liderin e opozitës, nuk e keni dëgjuar zotin Basha… për mosbindje civile kur fton qytetarët për mosbindje civile, fton qytetarët që të mos i binden asnjë institucioni, që nuk njohin asnjë-lloj institucioni.
Juli Xhokaxhi: Por kjo nuk është dhunë, kjo është një e drejtë. Ky është instrument politik.
Senida Mesi: Fton qytetarët për të nxitur dhunë.
Juli Xhokaxhi: Po kur, në ç’mënyrë ne nuk e kemi dëgjuar ndonjëherë të nxitet dhunë?
Senida Mesi: Si nuk e keni dëgjuar. Nuk e keni parë që nuk janë lejuar deputetët të hyjnë Kuvend