Me thirrjet “Rama ik” dhe “E duam Shqipërinë si gjithë Europa”, 40 emigrantë shqiptarë në Greqi, protestuan sot para ambasadës shqiptare në Athinë kundër qeverisë së Edi Ramës.
Protesta u organizua nga dega e PD në Greqi
Më fjalimet e mbajtura para ambasadës, protestuesit kërkuan largimin e qeverisë së Edi Ramës.
Kryetari i degës së PD në Greqi, Fatmir Gjoci dhe protestues të tjerë u shprehën se kjo qeveri ua ka nxirë faqen shqiptarëve në emigracion me imazhin e kanabizimit dhe të kryeministrit që përkrah kriminelët dhe ka ardhur në pushtet me blerjen e votave nga krimi.
Protestuesit para Ambasadës shqiptare në Athinë u bënë thirrje bashkëatdhetarëve të tyre të vijnë në Tiranë në 16 Mars për t’u bashkuar me opozitën në protestën para kryeministrisë.
Me parullën “nuk na turpëron Shqipëria, por na turpëron qeveria”, emigrantët thanë se është detyrim i çdo shqiptari të çlirojë vendin e lindjes nga qeveria më antikombëtare që sipas tyre ka patur Shqipëria në këto 3 dekada.
Sipas informacioneve këta militantë kanë shkuar dje në Greqi me idenë se mund të gjejnë përkrahës, por përveç shoferit të autobuzit të linjës Tiranë Athinë dhe 40 udhëtarët misionar askush nuk u afrua as tu hidhte sytë.