Eurokomisioneri Knut Fleckenstein ka marrë tërësisht vëmendjen e mediave, për shkak të akuzave politike që i janë bërë, pas vizitës dyditore që ai pati në vendin tonë. Gjatë kësaj vizite ai fajësoi opozitën për gjendjen ku ndodhet vendi.
Pas deklaratave të tij ka reaguar dhe anëtarja e Këshillit Bashkiak të Tiranës, Mirela Bogdani. Me anë të një postimi në Facebook, Bogdani shprehet se është për turp që të vijë Fleckenstein me dy klasë shkollë e të japë leksione si mentor Oxfordi.
Postimi i Mirela Bogdanit: “Mortjeee, të gjithë shqipove me diploma elitare… Çaj për dimër bëjini… Knuti me dy klasë shkollë vjen e na jep leksione si mentor Oxfordi… Bashkë me shokët e vet, ca lindorë që s’i njef njeri as në vendet e veta, e presim që ne ti shofim si Mesia.
Pasi kanë fluturu në first class drejt vendit më të uritur të Europës, ngrënë në restorantet me luks dhe flejt në hotelet më chick, nga ku japin dhe ato konferencat e turpshme për shtyp, duke ja ulur seriozisht besueshmërinë institucionit që i ka sjellë dhe vetë termit “ndërkombëtarët”, aq kredibël ndër shqiptarët gjatë viteve të tranzicionit tonë patologjik!”
