Në vitin 1959 daton edhe Liqeni Artificial i Tiranës, një vepër e studentëve dhe të rinjve të atyre viteve.
Kristi Goga, inxhinier ndërtimi dhe doktor shkencash ka qenë një nga vullnetarët pjesëmarrës për ndërtimin e Liqenit Artificial. I ftuar në emisionin “Histori me Zhurmues” të autorit dhe drejtuesit Pandi Laço, Goga rrëfeu detaje lidhur me ndërtimin e Liqenit Artificial.
Kur unë kam qenë nxënës tek Teknikumi i Ndërtimit dhe kemi marrë pjesë të organizuar nga shkolla. Por puna e krahut lë për të dëshiruar edhe për cilësinë e punimeve, megjithatë njerëzit kanë derdhur djersë dhe kanë bërë maksimumin aty. Diga në atë kohë është veshur me gurë, sot nuk është më ashtu është me pllaka betoni.
Thellësia maksimale në liqen arrin deri në 14 metra. Ideja për ndërtimin e liqenit ka qenë ajo që është edhe sot, qëllimi turistik. Fillimisht ky ujë është përdorur edhe për të ujitur, është përdorur për të marë ujin nga aty për zonat industriale si Kombinati Misto Mane. Diga e Liqenit Artificial ishte diga e dytë projektuar dhe ndërtuar nga shqiptarët dhe është po Faredin Nuri që ka projektuar digën e parë në Kurjan të Fierit. Ai ka qenë kokë e hidroteknikës në Shqipëri, kishte mbaruar shkollën në Francë. Po ashtu ka qenë ideja që një pjesë të bëhej, edhe plazh dhe rëra të merrej nga jashtë, por kjo nuk u realizua sepse kishte kosto të madhe. Ndërtimi në atë kohë ishte shumë i lirë sepse kishte shumë punë vullnetare”, tregoi Goga.
*Ky material është pjesë përbërëse e arkivës së Televizionit Klan për periudhën 1998-2012 që do të publikohet në kanalin e ri në YouTube/RTV Klan
https://youtu.be/-peZGJCiCDA