Artur Zheji dhe Edi Rama, një herë e një kohë, kanë qenë miq të ngushtë, por siç thotë, interesi dhe politika të prishin, e nuk kishte si të ndodhte ndryshe edhe mes tyre.
E kemi parë Ramën shumë të distancuar edhe nga Spartak Ngjela, me të cilin gjithashtu ka patur një marrëdhënie miqësore, por çfarë ka ndodhur mes tyre?
Është vetë Zheji, ai që ka treguar për Rudina Dembacaj prishjen e marrëdhënies me Ramën. Analisti është shprehur se nuk janë zënë, por janë ftohur me njëri-tjetrin, pasi jetët e tyre morën drejtime të ndryshme.
Zheji shprehet:
U bëmë dy tipa të ndryshëm. Ne kemi bërë një bisedë vendimtare që ndau rrugët tona. Ka qenë viti ’97.
Në 1997, Fatos Nano që më vonë u bë miku im më i shtrenjtë dhe u bë kryeministër, e ftoi për tu bërë ministër dhe ai ftoi dy miq për tu këshilluar për të ardhmen e tij në Shqipëri.
Sa kishte ardhur nga Parisi, njëri isha unë, tjetri ishte Spartak Ngjela që sot nuk le kusur, i thotë mendjefyell. Donte një këshillim, ishte akoma Rama që unë kam njohur, që e kam patur vëllaçko. Ngjela i tha je në rrugën e duhur, kjo është e ardhmja jote, ti i ke të gjitha provokativat për tu bërë njishi.
Parashikimi i Ngjelës doli i saktë. Kurse unë i thashë ti je artist i madh për mua dhe do humbasësh artin për politikën. Në atë kohë Rama ka patur një mikeshë gjermane, një yll e bukur, një gjermane brune me sy bojëqielli. Gjermania u nda se mendonte që ishte e dashuruar me Ramën artist jo Ramën politikan.
Gjermania erdhi më vonë, ajo erdhi kur ai kandidoi për kryetar bashkie dhe i tha që deri këtu mbaj. Më pas filluan sherret politike mes tij dhe Nanos. Shokë i kisha prapë. Mbetëm deri në një farë kohe miq në një truall shumë konfliktual.