Arsenal ka mposhtur 5-1 Bournemouth dhe ruan vendin e katërt në renditjen e Premier League. Ishte Ozil ai që zhbllokoi rezultatin përpara se Mkhitaryan të dyfishonte. Miqtë ngushtojnë diferencën, por nuk arritën të ndalnin furinë e Arsenal pas pushimit. Koscielny shënoi golin e tretë në minutat e para të pjesës së dytë dhe Aumabeyang vulosi fitoren pak më pas. Në fund ishte edhe Alexandre Lacazette ai që gjeti rrjetën pak momente pasi ishte futur në fushë.
Chelsea është ringjallur pas humbjes së finales së “Carabao Cup” ndaj Cityt, ku ka triumfuar në derbi ndaj Tottenhemit pastër me shifrat 2-0. Ishte Pedro, i cili kaloi në avantazh Çelsin në minutën e 57-të. Në minutën e 85-të, një gafë në mbrojtje e “gjelave” solli dhe golin e dytë, me Kiran Tripier, i cili në mënyrë të pafat shënoi në portën e tij.
Fitore gjithashtu dhe për Manchester United, të cilët triumfuan me shfrat 1-3 në fushën e Cristal Palace. Në minutën e 33-të erdhi dhe goli i parë i sfidës, ku Romelo Lukaku kaloi në avantazh “djajtë e kuq”. Në fraksionin e dytë, ishte përsëri gjiganti i sulmit të Junajtid, i cili shënoi pas vetëm shtatë minutave, duke dyfishuar shifrat, pas një pasimi nga Lindelof. Në minutë e 66-të ishte Uord, i cili rihapi takimin, duke çuar shifrat në 1-2. Vendasit këmbëngulën në kërkim të barazimit, por Mançesteri arriti të rezistonte. Në minutë e 83-të, mendoi Eshli Jang për të siguruar fitoren, teksa pas pasimit të Pogba shënoi golin e tretë.