Kryeministri Edi Rama ka qenë sot në Përmet, ku ka folur për zhvillimet e fundit të aktualitet politik. Rama ka thënë se sot vendi rrezikohet nga fantazmat e vitit 1997.
“Sot në vitin 2019 arrijmë në pikën që vendi të kërcënohet nga fantazmat e vitit 1997, për t’i shpëtuar Saliu drejtësisë apo Luli për të shpëtuar karrigen. Këto nuk i ha njeri. Kush mund ta hajë broçkullën që këta e bëkan për integrimin e ta çojnë Shqipërinë në Europë, që në asnjë regjim hibrid, nuk është bërë ndonjëherë”, është shprehur Rama.
Gjithashtu ai ka folur edhe për qeverisjen lokale të Përmetit, duke thënë se pas katër muajsh kryebashkiaku i djathtë i këtij qyteti do të shkojë në shtëpi.
“Ky qytet është baza e një ndryshimi që na duhet në zgjidhjet e qershorit. Unë nuk jam nga ata që flasin keq për kryetarët e bashkive që nuk janë të partisë, por është koha që kryetari i kësaj bashkie të shkojë në shtëpi dhe këtu të jetë një njeri i zgjedhur nga të gjithë, e që nuk fut në punë njerëzit e tij, por që vjen aty për t’jua kthyer ju shumëfish besimin ,e për të bërë shumëçka që kemi nevojë të bëjmë”, tha kryeministri Rama./Opinion.al