Është bërë e zakonshme tashmë që në emisionin “Opinion” të gazetarit Blendi Fevziu, markë brenda televizionit “Klan”, të thuren intriga herë me dashje e herë padashje me valë antene që lëshohen nga selia e SHQUP-it.
Teksa shqiptarët i drejtohen një prej emisioneve dhe televizioneve më të ndjekur nga shqiptarët, me besimin se po ndjekin një programacion krejtësisht të balancuar, një incident aspak i këndshëm që cënon besueshmërinë e këtij emisioni, ka ndodhur mbrëmjen e djeshme gjatë transmetimit të drejtpërdrejtë.
Teksa një pjesë e madhe e ndjekësve i kishin drejtuar sytë nga Opinion, në ekranin prapa shpatullave të Fevziut, u transmetua një pamje aspak e zakontë, por për syrin e pa stërvitur të shikuesve kaloi disi në heshtje.
Ekskluzive.al, ka siguruar pamjet video të transmetimit të djeshëm dhe shihet qartë, se si në ekranin e Opinion, shfaqet një njoftim, se dikush ka postuar në faqen e kontrolluar nga administratori i faqes “Lolita.” në Facebook, i cili është brenda stafit të Fevziut (regjia, gazetarë) ose vetë Fevziu.
Për dijeni “Lolita.” është një faqe në Facebook, e cila drejtohet nga eksponentë të PD. Por me sa duket paska gjetur hapësirë dhe tek emisioni i gazetarit, i cili këto vite është mburrur për balancën e formimit të opinionit publik.
Por siç shihet nga ngjarjet e fundit (shihni fotot dhe videot mëposhtë), Fevziu i paska prishur “balancat”!
