Një gjuetar trofesh në Teksas ka shkaktuar zemërim në Pakistan, pasi u fotografua me një kafshë të quajtur Astore Markhor të vrarë. Astore Markhor konsiderohet si kafsha zyrtare e vendit dhe është drejt zhdukjes.
Sidoqoftë, kur u shfaqën më shumë detaje rreth gjuetisë, duket se zemërimi ishte i gabuar.
Bryan Kinsel Harlan, një sipërmarrës nga Dallas, pagoi një rekord prej 110,000 dollarësh për të vrarë kafshën në rajonin verior Gilgit-Baltistanit, në pjesën pakistaneze të Himalajave.
Në foto, Harlan shihet me krenari pranë markhorit madhështor me brirët me spirale që mund të rriten deri në 1.5 metra.
“Unë jam nga Amerika, nuk ka shumë njerëz nga Shtetet e Bashkuara të Amerikës që vijnë këtu si turistë. Ata mendojnë se është e rrezikshme. Problemi është ajo që portretizon media. Nuk është e rrezikshme. Meksika është më e rrezikshme sesa Pakistani“, shtoi Harlan duke folur në një konferencë shtypi të papritur, pas gjuetisë së suksesshme.
Shumë komentues të medias sociale me zemërim pyetën se pse nuk ndalohet gjuetia e kafshës.
Popullata e Markhorit nëpër vargjet e Himalaje të Pakistanit, Indisë dhe Afganistanit janë duke u pakësuar si rezultat i shpyllëzimit nga prerja e drurëve, stërvitjeve ushtarake, konkurrenca me bagëtinë rajonale për ushqim si dhe gjuetia shtëpiake.
Deri në vitin 2011, mbetën vetëm rreth 2500 markhorë.