Ervin Salianji është alarmuar pas publikimit në rrjet, të një fotoje të tij dhe Arben Ahmetajt duke pirë kafe. Ai ka shkuar në lokalin ku ka ndodhur takimi dhe ka marrë pamjet nga kamerat e sigurisë, për të treguar se ka qenë Arben Ahmetaj që i ka shkuar në tavolinë.
Ky i fundit ka shkuar të takojë gazetarin Edi Manushi, ndërkohë që ndodhej aty në një takim me botuesen Dudaj. Në tavolinë me Manushin ka qenë edhe Salianji, dhe natyrisht Ahmetaj i ka dhënë dorën. Më pas, Salianji pasi ka mbaruar muhabetet me Manushin, është ngritur e ka ikur.
Siç duket nga fotot e vëna në dispozicion nga Salianji, ai ka qendruar në tavolinë me Ahmetajn, 6 minuta. Ahmetaj pohoi një ditë më parë që takimi ishte rastësor dhe kishte ndodhur për shkak të gazetarit Edi Manushi, i cili ishte i njohur i secilit prej tyre. Fotot e mëposhtme tregojnë minutë pas minute çfarë ka ndodhur.
Më përpara ish-ministri Ahmetaj deklaroi se: “Nuk do pyes se çfarë dyshimesh ngjall? Po bënim komplot kundër PD apo… E kisha ftuar zotin Salianjin për kafe që ta helmoja, i kam hedhur edhe helm në kafe por më rezulton që nuk e ka kapur helmi. Nuk e kam mik, ështe një 3 minutësh i rastësishëm. Ështe një gazetar, miku im. Më ka dhënë leje që t’ia përdor emrin, është Ed Manushi.
Dhe Ed manushi me çfarë kuptoj janë miq me Salianjin. Unë rastisa në një drekë miqsh me punonjës të Kryeministrisë edhe me një botuese dhe në një moment rastësisht u përqasëm, pasi unë u ula me Edin, zoti Salianji erdhi dhe mirë bëri që erdhi. As ai, as unë nuk jemi vulgarë. Është një rastësi, që as s’duhet trajtuar si çudi por të thashë doja ta helmoja dhe nuk e kapi helmi”/Ekskluzive.al
