Tamar Laptosh, “e pamëshirshmja” kroate ndaj ish kryeministrave dhe zyrtarëve të lartë nuk ka ardhur për të dhënë leksione në Tiranë apo për relaks, në këtë prag-thyerje dimri, por për punë. Duke qënë “habitati” i saj shqyrtimi i dosjeve të mëdha, në dorën e prokurores kroate kanë rënë të parat dosjet e mëdha të ish kryeministrit Sali Berisha dhe të ish zv.kryeministrit Ilir Meta, aktualisht President i Republikës, dosja “21 janarit”, “Blloku e ryshfeti 700 mijë euro” e afera e CEZ-DIA. Duke qënë se fashikujt kryesore të këtyre dosjeve, përfshirë dhe ekspertizën profesionale të FBI per vrasjen e 4 demonstruesve më 21 janar 2011 në mes të bulevardit, rikuperimin e përgjimeve të ish ministrit të LSI Dritan Prifti për Metën, si dhe dëshmitë kryesore për aferën e CEZ-DIA janë sjellë eksluzivisht nga organet ligjzbatuese amerikane, gjithçka bëhet më e lehtë. Thirrjen nën hetim të Berishës, Metës, Shkelzen Berishës, Bashës e personave të tjerë të lidhur me këto ngjarje, do t’i ndjekë personalisht. Ndaj Berisha, Meta, Basha dhe Monika kanë ashpërsuar gjuhën dhe kërcënojnë me destabilitet të vendit. “Laku” për këta maskarenj të korruptuar është ngushtuar shumë
Prokurorja kroate Tamar Laptosh ua ka marrë dorën dosjeve të mëdha të korrupsionit, krimit dhe trafiqeve, pavarësisht nivelit politik apo shtetëror që ka pasur përballë në hetimet e saj.
Futja në burg vite më parë të ish kryeministrit kroat Ivo Sanader dhe ish zëvendësit të tij kanë qënë ngjarjet më të bujshme të asaj kohe, ku ishte “tabu” prekja e niveleve të larta të krimit dhe korrupsionit në Kroaci.
Rezultati ka qënë mbresëlënës, pasi me futjen në burg të Sanader dhe zëvendësit të tij, u pasuan më pas dhe me figura të tjera shtetërore të inkriminuara, Kroacia u anëtarësua në BE.
Tashmë Tamar Laptosh, prokurorja që hetoi e dërgoi në bankën e të akuzuarve ish-kryeministrin kroat Ivo Sanader, ka zbarkuar dje në Tiranë, për të ndarë me prokurorët shqiptarë eksperiencën e saj në goditjen e korrupsionit në nivelet më të larta të politikës kroate.
Prokurorja Tamar Laptosh mori pjesë në takimin e organizuar nga misioni EURALIUS në Tiranë, për shkëmbimin e eksperiencave mes prokurorëve dhe gjyqtarëve në lidhje me luftën kundër korrupsionit dhe krimit të organizuar.
Paralajmërimi ishte i qartë që, pavarësisht arrogancës që mund të shfaqin dhe zyrtarët e lartë të korruptuar në Shqipëri, fundi për ta do të jetë i njejtë: Ulja në bankën e të akuzuarve.
Por “killerja” kroate e ish kryeministrave dhe zyrtarëve të lartë nuk ka ardhur për të dhënë leksione në Tiranë apo për relaks, në këtë prag-thyerje dimri, por për punë.
Duke qënë se BE e ka gjetur mundësinë për të sjellë Laptosh në Tiranë, përmes misionit të saj EURALIUS, prokurorja e fortë kroate është njohur menjëherë me dosjet e para që do të hetohen dhe do të shkojnë për gjykim, për t’i dhënë fund pandëshkueshmërisë në këtë vend.
Duke qënë “habitati” i saj shqyrtimi i dosjeve të mëdha, në dorën e prokurores kroate kanë rënë të parat dosjet e mëdha të ish kryeministrit Sali Berisha dhe të ish zv.kryeministrit Ilir Meta, aktualisht President i Republikës.
Dosjet e para që ka prekur Laptosh kanë qënë dosja e “21 janarit”, “Blloku e ryshfeti 700 mijë euro” dhe afera e CEZ-DIA, me protagonistë kryesorë ish kryeministrin Sali Berisha dhe ish zv.kryeministrin Ilir Meta.
Nuk ka qënë rastësi përzgjedhja e këtyre dosjeve, pasi janë të ngërthyera me njëra tjetrën dhe aty ku nis dosja e parë përfundon dosja e dytë, apo dosjet e përbashkëta që kanë “fjetur” tash sa vite në Prokurorinë shqiptare.
Duke qënë se fashikujt kryesore të këtyre dosjeve, përfshirë dhe ekspertizën profesionale të FBI per vrasjen e 4 demonstruesve më 21 janar 2011 në mes të bulevardit, rikuperimin e përgjimeve të ish ministrit të LSI Dritan Prifti për Metën, si dhe dëshmitë kryesore për aferën e CEZ-DIA janë sjellë eksluzivisht nga organet ligjzbatuese amerikane, gjithçka bëhet më e lehtë.
Prokurorja kroate do iniciojë përmes organeve ligjzbatuese shqiptare thirrjen nën hetim të Berishës, Metës, Shkelzen Berishës, Bashës e personave të tjerë të lidhur me këto ngjarje, ku do jetë vetë prezente në seancat e pyetjeve dhe të kopsitjes së dosjes, derisa të përcillet në gjykatë.
Ndaj Berisha, Meta, Basha dhe Monika kanë ashpërsuar gjuhën dhe kërcënojnë me destabilitet të vendit, duke mbajtur në ngujim disa studentë, pedagogë dhe duke nxitur grupet e interesit për të bllokuar rrugët. “Laku” për këta maskarenj abuzues dhe të korruptuar është ngushtuar shumë./Pamfleti