Një qytetar i shqetësuar ka dërguar një rast kritik të pallatit ku ai banon. Gazeta jonë zgjodhi ta botoj ankesën e tij, sepse ndoshta shumë nuk kuptojnë, se nga shqetësime të kësaj natyre, lindin probleme dhe më të mëdha.
Me anë të një foto, qytetari ka denoncuar se në pallatin ku ai banon, bodrumi i tij apo më saktë pjesa e parkingut nëntokë, është i përmbytur tërësisht, e se për këtë fajin e ka Ujësjellësi i Vlorës.
E me të drejtë, pamjet e paraqitura nuk janë aspak normale, ku uji i cili mendohet të jetë në sasinë 1600 m3 ka përmbytur të gjithë pjesën e bodrumit deri në dalje të garazhdeve.
Por sipas qytetarit, kjo është problem i përsëritur dhe sipas tij, durimit po i vjen fundi. Në gjykimin tonë, të tilla pamje janë të turpshme për tu parë një herë dhe skandaloze nëse ndodhin në mënyrë të përsëritur dhjetra herë.
Institucionet përgjegjëse duhet të reagojnë menjëherë ndaj këtij problemi që jo vetëm shqetëson banorët e mund t’i shkaktojë dëme materiale, por edhe mund të përhap sëmundje të ndryshme për të gjithë qytetarët, që jetojnë në zonën përreth.
“U permbyt bodrumi nga ujesjellesi i vlores. Sa m3 uje mban, thoni nje shifer? Ju them une, 1600 dhe sa here eshte mbytur? Per dy vjet, 20 here!
Ujesjellesi i vlores duhet te dale me fitim. Do beni shtet ju apo ta dhje..m fare!”, shkruan ai./Ekskluzive.al
