Kontrolli i Lartë i Shtetit rrezikon të drejtohet nga një prej deputetëve më të pasur të Kuvendit të Shqipërisë. Pasi mazhoranca rrëzoi Vitore Tushën dhe Bahri Shaqirin, burime të sigurta të gazetës bëjnë me dije se Presidenti i Republikës, Ilir Meta po projekton si kandidat të radhës deputetin socialist, Anastas Angjeli. Por a është normale që në krye të një institucioni që duhet të kontrollojë financat e shtetit të qëndrojë një deputet me pasuri sheiku? Gazeta ka bërë një bilanc të pasurisë së Angjelit, ku bie në sy që ai, së bashku me familjarët e tij zotërojnë të ardhura marramendëse.
Duke iu referuar të dhënave tek “Open Data”, në vitin 2013, kur edhe kanë nisur deklarimet e pasurisë, Angjeli zotëronte vetëm tre shtëpi banimi, një tokë në Sarandë, një dyqan në Sarandë, ndërsa në emër të vajzës së tij rezulton një shtëpi tjetër banimi. Fakti interesant që vlen të veçohet nga deklarimi i pasurisë në vitin 2013 është apartamenti që Anastas Angjeli ka blerë në Boston të Amerikës, me vlerë 330.000 dollarë. Ai po ashtu ka deklaruar edhe një apartament në Sarandë.
Por që nga viti 2013 dhe deri në vitin 2017, pasuria e deputetit të PS ka pësuar vetëm rritje. Pasuria për vitin 2018 nuk është bërë akoma publike, ndërsa për dy vite më parë, përveç pagës si deputet në Kuvendin e Shqipërisë, bien në sy edhe shifrat e larta që Angjeli përfiton nga mësimdhënia tek Universiteti Mesdhetar dhe në Maqedoni: Të ardhura nga pagesat për mësimdhënie dhe udhëheqje shkencore në Universitetin Mesdhetar, 2 187 474 lekë; Të ardhura nga pagesa për mësimdhënien dhe udhëheqje doktoraturash në UNS, Maqedoni, 3 000 dollarë. Vlen të theksohet që tek Universiteti Mesdhetar Angjeli ka të punësuar edhe gruan së bashku me fëmijët e tij: Bashkëshortja, Greta Angjeli, të ardhura nga mësimdhënia në Universitetin Mesdhetar, 2 023 485 lekë; Djali, Eros Angjeli, të ardhura nga Qendra Mesdheu / UMSH, 1 933 657 lekë.
Po ashtu, djali i Angjelit ka punuar edhe tek Ministria e Integrimit, nga ku ka përfituar 684 889 lekë. Gjithashtu, gjatë 2017, emri që Meta po synon të vërë në krye të KLSH ka përfituar edhe 5000 euro nga shitja e një libri.
Llogaritë bankare të familjes Angjeli
Deklarimi i pasurisë i vitit 2017 nga Anastas Angjeli është i mbizotëruar nga llogaritë e shumta bankare që zotërojnë ai së bashku me familjarët e tij. Në emër të gruas së deputetit të PS rezultojnë plot 12 llogari bankare. Dy vite më parë ajo po ashtu ka kryer investime në shoqërinë “PJE Co, 2017” 115 000 dollarë. Llogari bankare ka edhe djali i Anastas Angjelit: Djali, Eros Angjeli, gjendja e llogarisë bankare në BKT, pakësim 254 000 lekë. Ndërkohë në emër të vajzës së Angjelit rezultojnë 2 llogari bankare, ndërsa vetë deputeti socialist ka plot 7 llogari bankare, një prej të cilave është në shtetin grek.
Përveç llogarive bankare, në deklarimin e pasurisë për vitin 2017 të Angjelit ka edhe detaje të tjera interesante. Në këtë vit ai ka shlyer një kredi prej afro 10 mijë eurosh për blerjen e një makine. Ai po ashtu ka shlyer edhe një kredi tjetër bankare të marrë në bankën “Eurobank” në Greqi për blerjen e apartamentit të motrës. Një tjetër detaj interesant që bie në sy është edhe fakti që djali i Anastas Angjelit në vitin 2017 ka shpenzuar plot 18 mijë euro për të blerë pajisje dhe mobilie për shtëpinë e tij. Pra, siç duket, Meta po planifikon të vendosë në krye të KLSH një emër që është “i krimbur” në para, i cili pretendohet të mbajë në shina administratën shtetërore.
Ja pasuria e Anastas Angjelit
Pasuria e deklarimit fillestar 2013
-Shtëpi banimi me vlerë 11 500 000 lekë, ndërtuar në vitet 1992-1995.
-Tokë me sip. 440 m2, në rrethin e Sarandës, me vlerë 264 000 lekë.
-Apartament me vlerë 330 000 dollarë në Boston.
-Apartament në Sarandë.
-Dyqan në Sarandë.
-Znj. Jona Marashi, shtëpi banimi me vlerë 168 700 dollarë, pjesa në bashkëpronësi është 25%.
Pasuria e deklaruar për vitin 2017
-Të ardhura nga paga si deputet i Kuvendit, 1 492 125 lekë.
-Të ardhura nga pagesa të tjera nga Kuvendi, 802 280 lekë.
-Të ardhura nga pagesat për mësimdhënie dhe udhëheqje shkencore në Universitetin Mesdhetar, 2 187 474 lekë.
-Të ardhura nga pagesa për mësimdhënien dhe udhëheqje doktoraturash në UNS, Maqedoni, 3 000 dollarë.
-Të ardhura nga pagesa si anëtar i Akademisë së Shkencave, 510 000 lekë.
-Të ardhura nga pagesa për botimin “Origjina e parasë”, 5 000 euro.
-Bashkëshortja, Greta Angjeli, të ardhura nga mësimdhënia në Universitetin Mesdhetar, 2 023 485 lekë.
-Bashkëshortja, Greta Angjeli, të ardhura nga ‘Benisa Sonsulting Co’, 11 681 dollarë.
-Bashkëshortja, Znj. Greta Angjeli, të ardhura nga ‘AAEF Profit Share’, 41 564 dollarë.
-Djali, Eros Angjeli, të ardhura nga Qendra Mesdheu / UMSH, 1 933 657 lekë.
-Djali, Eros Angjeli, të ardhura nga Ministria e Integrimit 684 889 lekë.
-Djali, Eros Angjeli, të ardhura nga Mesdheu Education, 421 516 lekë.
-Vajza, Jona Marashi, të ardhura nga Education Development Center, Ealtham, Ma, 92 500 dollarë.
-Gjendja e llogarisë bankare në BKT, shtesë 5 100 euro.
-Gjendja e llogarisë bankare në BKT, pakësim – 75 000 lekë.
-Gjendja e llogarisë bankare në RZB, pakësim – 996 300 lekë.
-Gjendja e llogarisë bankare në RZB, pakësim – 150 euro.
-Gjendja llogarisë bankare në Commerce Bank, USA, pakësim – 81 dollarë.
-Kartë krediti Opensky, pakësim – 91 dollarë.
-Gjendja e llogarisë në RZB, person i autorizuar, pakësim – 1 400 euro.
-Gjendja e llogarisë bankare në EuroBank, Greqi, shtesë 1 195 euro.
-Kredi bankare marrë në BKT për blerjen e autoveturës në mars 2015.
-Kredi bankare marrë në bankën Eurobank, Greqi për blerjen e apartamentit të motrës në Greqi.
-Bashkëshortja, Greta Angjeli, gjendja e llogarisë bankare në RZB, pakësim 42 670 euro.
-Bashkëshortja, Greta Angjeli, gjendja e llogarisë bankare në RZB, pakësim 54 270 dollarë.
-Bashkëshortja, Greta Angjeli, gjendja e llogarisë bankare në BKT, shtesë 51 845 lekë.
-Bashkëshortja, Greta Angjeli, gjendja e llogarisë bankare në BKT, pakësim 13 605 euro.
-Bashkëshortja, Greta Angjeli, gjendja e llogarisë bankare në BKT, pakësim 35 080 dollarë.
-Bashkëshortja, Greta Angjeli, gjendja e llogarisë bankare në BKT si person fizik, shtesë 1 337 700 lekë.
-Bashkëshortja, Greta Angjeli, gjendja e llogarisë bankare në Bank at Commerse, Ma, USA, pakësim 3 070 dollarë.
-Bashkëshortja, Greta Angjeli, gjendja e llogarisë bankare në Citizens Bank, Ma, USA, pakësim 116 172 dollarë.
-Bashkëshortja, Greta Angjeli, gjendja e llogarisë bankare në Devine’s Bank, Ma, USA, pakësim 153 424 dollarë.
-Bashkëshortja, Greta Angjeli, fond pensioni në RZB, shtesë 57 460 lekë.
-Bashkëshortja, Greta Angjeli, gjendja e llogarisë bankare në Intesa SanPaolo Bank Tirana, shtesë 41 740 dollarë.
-Bashkëshortja, Greta Angjeli, investime në shoqërinë PJE Co, 2017, shtesë 115 000 dollarë, pjesa takuese 25 %.
-Bashkëshortja, Greta Angjeli, gjendja e llogarisë bankare në EuroBank, Greqi, shtesë 950 dollarë.
-Djali, Eros Angjeli, gjendja e llogarisë bankare në BKT, pakësim 254 000 lekë.
-Djali, Eros Angjeli, investim në shoqërinë PJE Co, shtesë 115 000 dollarë, pjesa takuese 25 %.
-Djali, Eros Angjeli, detyrim si person fizik në shumën 800 000 lekë.
-Vajza, Jona Marashi, gjendja e llogarisë bankare në Citizens Bank, Ma, SHBA, shtesë 21 283 dollarë.
-Vajza, Jona Marashi, gjendja e llogarisë bankare në American Express, shtesë 1 703 dollarë.
-Vajza, Jona Marashi, investim në shoqërinë PJE Co, shtesë 115 000 dollarë, pjesa takuese 25 %.
-Vajza, Jona Marashi, kredi bankare për shtëpinë ku zotëron 25 %.
-Shpenzime për vitin 2017 për shlyerjen e kredisë të marrë në BKT për blerjen e autoveturës, 9 934 euro.
-Shpenzime për vitin 2017 për shlyerjen e kredisë bankare marrë në bankën Eurobank, Greqi për blerjen e apartamentit të motrës në Greqi, 3 753 euro.
-Djali, Eros Angjeli, shpenzime për blerjen e pajisjeve dhe mobilieve për shtëpinë me të ardhura familjare, vlera 18 000 euro.
-Vajza, Jona Marashi shpenzime për shlyerjen e kredisë bankare për vitin 2017 për shtëpinë ku zotëron 25%, shuma 7 817 dollarë.
Mimoza Ibra