Pas një debati të gjatë dhe të fortë sot në parlament, midis Kryeministrit Edi Rama dhe Sali Berishës, kreu i qeverisë i bënë një pyetje ish-kryeministrit: “Po të duash ti sot, a e kalon dot oqeanin?!”, duke e lënë të kuptohet se SHBA i kanë refuzuar vizën atij, apo i kanë vënë “vijën e kuqe” familjes. Berisha i është përgjigjur, se ftesa ka pasur plot, por se ai vetë nuk i ka qef udhëtimet.
Por ekskluzive.al, zbulon se përgjigjen e këtij debati e ka dhënë Sadije Berisha, në shkurt të vitit 2014, në atë kohë bashkëshortja e Shkëlzen Berishës, e cila tregon gjithë ngjarjen me anë të një postimi në Facebook, se si Amerika i refuzoi vizën “Berishajve”.
Ish-bashkëshortja e Shkëlzen Berishës, Sadije Berisha, 5 vite më parë i është refuzuar viza familjarisht për të shkuar në Amerikë, duke e lënë në mes të “katër rrugëve” në aeroport, pa lekë dhe pa një destinacion ku të shkojë.
Në mes të muajit shkurt të vitit 2014, Sadije Berisha, ende në lidhje martesore me Shkëlzen Berishën, e shoqëruar nga dy fëmijët e saj dhe këtij të fundit, i është ndaluar hyrja në Amerikë, pa motivacion, por sipas autoritetit aeroportual, viza e saj nuk ishte më e vlefshme… dhe ajo duhet të aplikonte për vizë sërish, për të vizituar Shtetet e Bashkuara të Amerikës.
E gjendur në një situatë të sikletshme me fëmijët e saj, Sadija ka kontaktuar menjëherë Shkëlzen Berishën, babain e dy fëmijëve, sigurisht duke menduar se ai do i vinte menjëherë në ndihmë? Por, sipas statusit të saj (shih foto), ai nuk iu përgjigj!
Sadija e braktisur nga familja, shkruan më pas, se u ndihmua nga disa miq!/Ekskluzive.al
Statusi në shqip i Sadije Berishës
“Bukur … Çfarë ndodhi ? A është fati duke luajtur me ne? Unë, Medina dhe Laidon përgatitëm valixhet tona të dielën e shkuar dhe vendosëm të lëmë aeroportin Arlandas … u bëmë gati për të vizituar familjen në Miami, SHBA!
E mbushëm bagazhin me djathtë suedezë, çokollata dhe karamele që na kishin sjellë kushërinjtë. Ne kishim pasaportat , vizat dhe të hollat , por kisha humbur kartën time të kreditit një ditë më parë.
Gjatë kontrollit me dy fëmijët e mi shumë të gëzuar që po vizitonin SHBA, viza ime refuzohet! Ata më thanë të aplikoja përsëri, por përgjigja ishte: ndalohet hyrja!? Fëmijët nisën të qajnë, avioni ishte duke ikur… çfarë duhet të bëjnë një nënë kur fëmijët e saj kanë qenë përmes një viti të mbushur më së shumti me dhimbje, humbje dhe zhgënjime?
Unë u them fëmijëve të ndalin së qari dhe pyes vajzën në tavolinë për ndonjë destinacion tjetër më të ngrohtë… Dubai! Pa kartë krediti, pa të holla për të blerë bileta të reja. Telefonoj Zenin, por s’ka asnjë përgjigje nga ana e tij…”, shkruante Sadija.
Në foton më poshtë është dhe statusi i saj në Facebook, në gjuhën angleze
