Po bën xhiron e rrjetit një video e publikuar në rrjetin social “Facebook”, nga një zënkë e ndodhur në Milano në një autobus, në zonën e Lorenteggio.
Protagoniste e zënkës, është një e moshuar italiane dhe një nënë e re, e huaj, e cila mbante pranë edhe karrocën e fëmijës. Debati, mbase i nisur për arsye hapësirë sepse nëna së bashku me karrocën kishin zënë hyrjen e autobusit, shumë shpejt degjeneron. E moshuara, e cila i drejtohet daljes së autobusit kapet me nënën dhe i kërkon të braktisë autobusin.
“ Zbrit, zbrit shpejt”, dëgjohet në video e moshuara, derisa dikush e qetëson duke e tërhequr nga krahu.