Zodiaku na ndihmon të kuptojmë si t’i përjetojmë tradhtitë shenjë për shenjë dhe si reagojmë nga mungesa e besnikërisë së partnerit Italianët janë populli më jo besnik në Europë. Mjafton të mendosh që 45% e tyre, nuk e ka problem ta pranojë një gjë të tillë. Atëherë horoskopi na ndihmon të kuptojmë si përjetohen tradhtitë të skanuara nga 12 shenjat e horoskopit, duke analizuar se çfarë i shtyn njerëzit të tradhtojnë dhe si reagojnë zakonisht përballë zbulimit të partnerit.
Sa arrijnë të jenë totalisht të sinqertë me partnerin kur flitet për besim dhe mungesë besnikërie? Ka shenja zodiakale që janë pak a shumë të pritura drejt tradhtisë. Ka nga ata që arrijnë t’i rezistojnë tundimit ose nga ata të cilët nuk e konsiderojnë besnikërinë të rëndësishme për një marrëdhënie të një çifti të qëndrueshëm dhe të lumtur.
Por jo të gjithë e përjetojnë pastaj tradhtinë në të njëjtën mënyrë, edhe kur e pëson. Natyrisht do të ishte më e përshtatshme për të analizuar pozicionin e planetëve të tjerë në lidhje me këtë temë delikate. Zbavituni dhe zbuloni pra se çfarë thonë yjet për ju dhe për partnerët tuaj!
Dashi – Ju keni famën për të qenë një person shumë i hapur në aventura, por nëse ndiheni të lumtur në çift, vështirë se tradhtoni. Kur ë bëni, do të thotë se në thelb nuk ka një ndjenjë të thellë që ju lidh me partnerin dhe nuk të shqetëson fakti që historia mund të mbyllet. Jeni ju që pësoni tradhtinë dhe inatoseni: nuk arrini të toleroni një mungesë sinqeriteti apo respekti. Nuk jeni të prirur drejt faljes dhe parapëlqeni të deklaroni luftë, me hakmarrje madje. Besnik dhe i sinqertë.
Demi – Kur flitet për besnikëri, shenja juaj merret gjithnjë si shembull, si një nga më virtuozet. Në fakt, tradhtia ndaj partnerit, do të shkaktonte ankth dhe shqetësim. Nëse keni familje, mund ta përjetoni fajin për një kohë të gjatë. Por jeni shumë i fortë dhe përballë një rasti jashtëzakonisht ekzaltues, vështirë se mund të rezistoni. Nëse jeni ju që pësoni një tradhti, ose edhe sikur ta dyshoni, qetësia juaj shndërrohet në një zemërim të papërmbajtshëm. Xhelozia juaj nuk ka kufi. Besnik ndaj famës.
Binjakët – Duke parë që lodheni të jeni besnik deri të vetja juaj, është e vështirë t’iu kërkohet të jeni besnik me partneren. Flirtimi me një koleg/e apo një të panjohur në një mbrëmje, ju vjen në mënyrë natyrale dhe spontane. Edhe pse i deklaroni botës se e doni partnerin/en deri në çmenduri (ose të paktën kështu besoni), nuk arrini t’i thoni “jo” ndonjë prapësie. Ndërsa ju, kurioze, xheloze dhe krenare, mundoheni ta zbuloni tradhtinë para se ajo të ndodhë. Megjithatë, jeni të gatshëm për ta falur. Mungesë besnikërie në mënyrë kronike.
Gaforrja – Mendimi juaj kryesor është shtëpia dhe familja, kështu që vështirë se mendoni të tradhtoni partnerin/en. Por kur historia bëhet e mërzitshme dhe fillojnë të mungojnë stimujt dhe motivimi, edhe ju mund të besoni te ndonjë flirt i mundshëm rrugës. Gjithçka varet nga humori juaj dhe gjendja shpirtërore. Por në fund fiton dëshira për të menduar për familjen dhe e falni. Besnik me hope.
Luani – Ju pëlqen të qëndroni në qendër të vëmendjes, të jeni “të gjuajtur” dhe të adhuruar si nga partneri juaj, ashtu edhe nga të tjerët. Por kur bëhet fjalë për besnikëri, ju keni një farë reputacioni për të mbrojtur. Jo rastësisht, ndershmëria dhe sinqeriteti i shkojnë përshtat shenjës tuaj. Nëse ndodh, është sepse i jeni dorëzuar natyrës suaj të zjarrtë dhe “kafshërore”. Nëse pësoni një tradhti, është më mirë që partneri të ikë sa më larg, sepse bëheni gati ta shkatërroni. Edhe “i treti” në këtë rast nuk ka rrugë shpëtimi! Besnik i vetes suaj.
Virgjëresha – Le ta themi qartë: nëse keni një të dashur, ka një kosto, me përjashtim të rastit që ju nuk e keni problem të mbani disa partnerë njëkohësisht. Por ideja që duhet të bëni dhurata të dyfishta apo dy karta telefoni, nuk ju pëlqen aspak. Nëse llogaritë financiare nuk ua lejojnë, atëherë qëndroni besnik. Dhe arrini të bëni llogari edhe ku partneri ju tradhton, para së gjithash nëse jeni të martuar dhe keni mundësinë për të përgjysmuar pagën. Ju mund të bëni një hakmarrje të paramenduar. Strategjikisht besnik.
Peshorja – A mund të pretendohet besnikëri nga një person që parapëlqen gënjeshtrat për një qëllim të mirë që më pas të bëjnë të vuajnë? Pa dyshim që jo. I vetmi shpëtim (për partnerin) është pavendosmëria juaj konstante, që shpesh zbehet nga tradhti të mundshme. Dhe pastaj ju nuk hiqni dorë nga përgëzimet dhe falënderimet. Nëse pëson një tradhti: opsionet janë dy: ose bëni sikur nuk e kuptoni dhe vazhdoni të jetoni të qetë, ose përfitoni nga rasti për të lënë një partner me të cilin jeni i/e lodhur. Besnik ndaj ndjekësve tuaj.
Akrepi – Asnjë nuk e vë në dyshim besnikërinë tuaj! Jeni gati të betoheni dhe stërbetoheni se jeni besnik/e, edhe kur faktet tregojnë të kundërtën. Jeni absolutisht në gjendje për të besuar te partneri që, nëse e keni tradhtuar, faji është vetëm dhe thjesht i juaji. Nëse pësoni një tradhti, del jashtë ana juaj “e keqe”. Ndiheni thellësisht të lënduar dhe ndieni keqardhje për një kohë të gjatë. Nuk e falni partnerin as nëse jeni nën torturë dhe jeni gati të hakmerreni në mënyrën më të ashpër. Jo besnik ndaj kujt?
Shigjetari – Sipas vizionit tuaj të jetës, nëse nuk i mungon asgjë partnerit ose familjes, sa i takon vëmendjes dhe dashurisë, mund ta realizosh i qetë ndonjë “arratisje”. Por do të ishte keq nëse “arratisja” do të ndodhte në disa raste, ose për muaj apo për vite! Jeni shumë i/e shkathët për të fshehur provat. Një gjë ama është e sigurt: nuk do ta lini asnjëherë partneren tuaj për të dashurën. Nëse tradhtinë e pësoni ju, fillimisht do të lëndoheni, pastaj do të jeni gati që të bisedoni miqësisht dhe ndonjëherë edhe të falni. Besnik deri në provën e kundërt.
Bricjapi – Për ju është mjaft e vështirë të menaxhoni në mënyrë emotive një partner, jo më dy! Megjithatë, mund t’iu ndodhë edhe juve të bini në provokime këmbëngulëse nga dikush, para së gjithash nëse bëhet fjalë vetëm për një histori seksi. Ndodh rrallë, por, arrini të tradhtoni në distancë dhe me kthjelltësi, pa vijimësi dhe pa asnjë ndjenjë faji. Nëse jeni ju që pësoni tradhtinë, bëni sikur nuk të intereson fare dhe tregohuni indiferent, por, vetëm ju e dini sa vuani. Besnik për mungesë kohe.
Ujori – Ju pëlqen të filozofoni dhe kështu edhe mbi tradhtinë keni teoritë tuaja. Vështirë të lidheni zyrtarisht me dikë, por duke parë edhe të tjerët, nuk bëhet fjalë për tradhti (sipas jush). Kur nisni një histori seriozisht, bëheni besnik dhe jeni shumë rezistente përballë tundimeve. Nuk jeni absolutisht dakord t’i jepni partnerit të njëjtën liri që merrni për vete. Nëse tradhtoheni, pesha e fajit bie mbi ju dhe përpiqeni të qëndroni mik me partnerin. Besnik ndaj lirisë “tuaj”.
Peshqit – Të jesh besnik, është shumë monotone për shenjën tuaj. Ju keni nevojë të ëndërroni. Deri dhe te filmat më romantikë protagonistët tradhtojnë. Dhe ju kështu bini në mungesë besnikërie dhe jo vetëm me mendime, duke u fshehur pas realitetit imagjinar dhe shumë romantik. Ju pëlqen të tradhtoni me një pafajësi të ëmbël. Nëse tradhtoheni, të gjithë mund ta kuptojnë që naiviteti juaj ka përfunduar: shndërroheni në një peshkaqen dhe nuk falni kollaj. Besnik vetëm në fantazi.