Partia Demokratike mblodhi për të dytën mbrëmje me radhë Kryesinë, për të vendosur në lidhje me datën e nisjes së protestave. E ashtu siç u njoftua edhe mbrëmjen e së hënës, në përfundim të takimit të Kryesisë së re të PD-së është marrë vendimi që më 16 shkurt të organizohet një tubim madhështor në kryeqytet. Protesta mësohet se do të nisë në orën 11:00, ndërkohë që ajo do të paraprihet nga disa protesta të tjera në shumë qytete të tjera të Shqipërisë.
Tashmë skenari i saktë i protestës pa kthim të opozitës është rrëzimi i Edi Ramës me çdo çmim. Edhe disa eksponente në Washington të fushës së spiunazhit të cilët i kanë ofruar ndihmë e asistence Ramës duket se do t’i largohen, pasi janë denoncuar deri në Shtëpinë e Bardhë nga lobistët e PD-së në SHBA!
Një protestë e tillë ka qenë e parashikuar që në 8 dhjetor me skenarin e rrethimit non-stop të Zyrës se Kryeministrit, por plani u dogj nga lëvizja studentore. Kjo lëvizje është në perendimin dhe përçudnimin e saj, pasi politika djallëzisht futi duart në zemrën e saj të organizimit.
Plani i sofistikuar i organizimit të protestë-revoltës nuk është një konsultim opozitar hierarkik, por thjesht një strategji e ndërtuar nga Sali Berisha dhe Ilir Meta. Basha ka qenë pengesë për shumë detaje, por është vënë para faktit të kryer, se nwse nuk i përgjigjet planit “Barbarosa”e ka të gatshëm zëvendësin e tij z.Nishani si drejtues i KK, si organi më i rëndësishëm i partisë.