Anëtari i kryesisë së Partisë Demokratike Enno Bozdo foli për aksionin opozitar për të udhëhequr protestat popullore.
Bozdo u shpreh se në mbledhjen e kryesisë së PD-së do të merren vendime mbi strategjinë e zhvillimit të protestave dhe organizimin e aksionit opozitar deri në rrëzimin e Edi Ramës. Më tej Bozdo theksoi se opozita do të futet në një stinë protestash deri në largimin e Edi Ramës.
“Në mbledhjen e kryesisë së PD-së që do të zhvillohet sot do të merren vendimet në mënyrën sesi do të organizohet një aksioni opozitar, për atë që Basha ka shprehur një stinë të tërë protesta për të larguar Ramën dhe për të zhvilluar zgjedhje të përgjithshme, të ndershme dhe pa Edi Ramën. Mbledhja do të marrë në shqyrtim vendimet që u morën dhe dje në kryesi. Gjithmonë ka diçka për të ndryshuar.
PD ka qenë partia që ka organizuar tubimet më të mëdha. Së pari ne do të udhëheqim stinën e protestave në mënyrë efektive dhe së dyti komunikimi me qytetarët se çfarë do të arrijmë dhe pse duhet të rrëzojmë Ramën. Besoj se do të kemi të bëjmë me një strategji të plotë për të hyrë në një stinë të re protestash,” tha Bozdo.