Të tre sekretarët që drejtuan për gati 5 vite PD-në janë larguar nga postet e tyre.
Arben Ristani, Enno Bozdo dhe Fatbardh Kadilli, pasi u përdorën nga Lulzim Basha për t’u rizgjedhur si kreu i PD-së janë hedhur në kosh.
Luli ka zgjedhur të mos i rikandidojë fare dy sekretarët e tij por vetëm i ka propozuar për në kryesi. Ndërsa Arben Ristanit i ka dhenë një post sa për ta gënjyer si zakonisht.
Ashtu sic paralajmëroi CNA.al ditë më parë, sekretariati do jetë nga persona jo deputetë. Ky sekretariat që pritet të ketë në krah Lulzim Basha duket edhe më i paaftë dhe skandaloz se i pari, por më shumë sesa detyra funksionale në parti ata emra janë kandidatët e parë të listës së Bashës për zgjedhjet e 2021.
Pra vijnë si pjesë e një pazari me familjën dhe elita që do mbyllë procesin e kthimit të PD në Republikë e Re.