Kryetari i Partisë Agrare Ambientaliste, Agron Duka, ka paralajmëruar largimin nga koalicioni me Partinë Demokratike. Shkak mund të bëhët reforma zgjedhore, e cila sipas tij dëmton partitë e vogla, ndërsa akuzoi Bashën për mungesë serioziteti.
Ai tha se ndryshe nga premtimet, Partia Demokratike po kërkon të mbajë të pa ndryshuar kodin. Edhe kundrejt mundësisë së bojkotoit të zgjedhjeve, Duka ishte i prerë kur tha se partia e tij do të marrë pjesë në zgjedhje.
Reforma zgjedhore duket se do të vendosë në pozita të vështira kryetarin e Partisë Demokratike, Lulzim Basha, me aleatët e tij opozitarë.
Në një intervistë për Ora News, kreu i Partisë Agrare Ambjentaliste, Agron Duka, paralajmëroi ndërprerjen e kontratës politike me demokratët.
Agron Duka: Ky lloj qëndrimi ndaj kodit zgjedhor është në dëm të gjithë partive aleate të PD-së. Pikërisht kjo është ajo që ndoshta Partinë Agrare Ambjentaliste mund ta ndajë nga koalicioni opozitar.
Duka e akuzon Bashën për mungesë serioziteti për reformën zgjedhore, e cila thotë ai dëmton partitë e vogla.
Agron Duka: Na është dhënë fjala se po do të merremi seriozisht, por me sa shoh, serioziteti është i munguar.
Duka i ishte i prerë dhe në faktin se PAA, pavarësisht çdo vendimi të demorkatëve do të marrë pjesë në zgjedhjet vendore.
Agron Duka: Ne e kemi bërë njëherë këtë gabim dhe u penalizuam, ishim në tendën e madhe të opozitës para zgjedhjeve parlamentare. Kurse sot nëse bëhet një tendë e tillë simbolike, ne jemi në zgjedhje.
Kryetari i PPA-së thotë se opozita i ka kapacitetet për të rrëzuar Ramën, por siç u shpreh ai, shqetësues është fakti se gjithmonë para betejave elektorale ka një trembje të opozitës.
Agron Duka: Kjo që më tremb është se sa herë vinë zgjedhje duket sikur ka një falë luhatje dhe gjithmonë fillohet dhe mendohet njëfarë tende që të kalohet në një qeveri teknike, të mos hyhet në zgjedhje më këtë kryeministër etj.