Ditën e djeshme, balerina Klaudia Pepa tërhoqi vëmendjen e të gjithëve pasi publikoi në profilin e saj në Instagram një video që i mahniti të gjithë.
Ajo shfaqej e veshur me një fustan madhështor teksa kolegu i saj balerin, Francesco Mariottini e mbante në ajër.
“Princi im”, shkroi Klaudia krahas videos që i bëri të gjithë të aludojnë se mes saj dhe balerinit kishte më shumë se marrëdhënie pune dhe miqësi.
Megjithatë, në një rrëfim për “Class”, Klaudia ka rrëfyer marrëdhënien me balerinin italian, për të cilin sqaron se nuk ka asnjë lidhje speciale mes të dyve, veç raportit profesional.
“Unë jam në pritje të videos së re të kërcimit që bën pjesë në grupin e emrit tim, pra bëhet fjalë për shkronjën U. Siç e dini unë jam duke realizuar videot e kërcimit që kanë lidhje me shkronjat e emrit tim, Klaudia. Deri tani kam bërë videot e gërmave K, L, A, dhe kjo e radhës është U-ja.
Këtë herë do të jetë një passo a due romantike me një princ, që kam dashur ta quaj princi im sepse historia e videos është e tillë. Një vajzë që humbet mendjen pas një kamarieri në një bar dhe e ëndërron atë si princin e saj të kaltër…Kjo është historia”, ka rrëfyer balerina.
