Opozita kërkoi diskutim për figurat e ministrave të dekretuar nga Rama gjë që as nuk e parashikon ligji dhe as nuk e lejon Kushtetuta. Pas kësaj opozita u largua nga salla sipas skenarit të pregatitur ku Lulzim Basha mbajt recitimin e radhës të shkruar para 6 vjetësh, ku çdo ditë përsërit të njënjtat gjëra, të bëra bajat edhe për ata që i kanë qejf këngët e papagallit.
Ja si e kërcënoi Basha Ramën, duke publikur fuqinë që kishte për ta rrëzuar, ku natyrisht ishin banorët e Astirit , të Bregut të Lumit, dhe disa studentë që kanë humbur rrugën duke mbetur pa drejtim.
Opozita u largua nga salla dhe Basha, në një prononcim për mediat, tha se ky është akti i radhës i kapjes së sistemit ekzekutiv nga Edi Rama. Basha më tej është shprehur se tashmë opozita do të bëjë një mobilizim total të resurseve opozitare për të rrëzuar nga pushteti kryeministrin Rama.
“Ky është akti i kapjes përfundimtare personalisht nga Rama të pushtetit ekzekutiv, dhe sot edhe asgjësimin e Kuvendit, opozita kërkon debat parlamentar për të parashtruar qëndrimin e saj dhe të vërtetat pas këtyre emërimeve të kukullave dhe oligarkëve të Edi Ramës. Asnjë nga kërkesat e parashtrua nga Rama nuk qëndrojnë, opozitën e pengon të marrë fjalën një kryetar Kuvendi, nga një hajdut psiqik, i cili kërkon të ruajë vjedhjen.
Sot kemi një qeveri të vdekur, deri tani ishte në koma. Faturën e kapjes së qeverisë, si në kohën e Enverit, e paguajnë shqiptarët, studentët… Nuk mund te këtë më një shtet me një kryeministër fals dhe psiqik, që sot u përpoq të mbyllë gojën e opozitës. Detyra jonë është të jemi në krah të njerëzve dhe tu japim zgjidhjen politike. Çdo ditë më Ramën kryeministër është një ditë krize, largimi i tij është në interesin kombëtar.
Kush i shërben Ramës është një tradhtar i kombit dhe i interesave të qytetarëve, dhe duhet të trajtohet si i tillë. Ne do të bëjmë mobilizim total të të gjitha resurseve opozitare për të rrëzuar me çdo kusht shkaktarin e kësaj gjendje”.
Në fakt tradhëtar është kush i shërben kauzave antishqiptare qe ka përfaqësuar Lulzim Basha dhe Sali Berisha, të cilat shumë shpejt do kalojnë në sitën e drejtësisë së re, ku mbahet mend 26 shkeljet e rënda të saj.